Minsuviazi: Da kanca hoda ŭ Biełarusi budzie 1,8 młn. abanientaŭ šyrokapałosnaha dostupu ŭ Internet
Da kanca hetaha hoda ŭ Biełarusi budzie 1 młn. 800 tys. abanientaŭ šyrokapałosnaha dostupu ŭ Internet. Taki prahnoz zrabiŭ ministr suviazi i infarmatyzacyi Mikałaj Pancialej, adkazvajučy na pytańni žurnalistaŭ u ramkach vystavy «TIBO‑2010», jakaja adkryłasia 20 krasavika.
«Kali ličyć EDGE‑technałohiju i inšyja, to ŭ Biełarusi ŭžo niekalki miljonaŭ internet‑karystalnikaŭ. Kali ličyć šyrokapałosny dostup pa technałohii DSL, to heta dzieści 500 tys. čałaviek z płanam pa «Biełtelekamie» na hety hod — da miljona. My płanujem, što inšyja apieratary dazvolać nam vyjści na 1 młn. 800 tys. karystalnikaŭ da kanca hoda», — skazaŭ kiraŭnik Minsuviazi.
Jak paviedamlałasia raniej, pavodle sacyjałahičnych daśledavańniaŭ biełaruskaj internet‑aŭdytoryi, u krainie naličvajecca kala 3 młn. karystalnikaŭ Interneta.
Najbujniejšaja ŭ Biełarusi vystava pa telekamunikacyjach, infarmacyjnych i bankaŭskich technałohijach «TIBO» pravodzicca z 1994 hoda. U «TIBO‑2010» biaruć udzieł bolš čym 200 kampanij z 12 krain. Asnoŭnyja razdieły vystavy — telekamunikacyjnaje abstalavańnie, infakamunikacyjnyja pasłuhi, bankaŭskija, finansavyja technałohii, sistemy biaśpieki.
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Kamientary