Мінсувязі: Да канца года ў Беларусі будзе 1,8 млн. абанентаў шырокапалоснага доступу ў Інтэрнэт
Да канца гэтага года ў Беларусі будзе 1 млн. 800 тыс. абанентаў шырокапалоснага доступу ў Інтэрнэт. Такі прагноз зрабіў міністр сувязі і інфарматызацыі Мікалай Панцялей, адказваючы на пытанні журналістаў у рамках выставы «ТІБО‑2010», якая адкрылася 20 красавіка.
«Калі лічыць EDGE‑тэхналогію і іншыя, то ў Беларусі ўжо некалькі мільёнаў інтэрнэт‑карыстальнікаў. Калі лічыць шырокапалосны доступ па тэхналогіі DSL, то гэта дзесьці 500 тыс. чалавек з планам па «Белтэлекаме» на гэты год — да мільёна. Мы плануем, што іншыя аператары дазволяць нам выйсці на 1 млн. 800 тыс. карыстальнікаў да канца года», — сказаў кіраўнік Мінсувязі.
Як паведамлялася раней, паводле сацыялагічных даследаванняў беларускай інтэрнэт‑аўдыторыі, у краіне налічваецца каля 3 млн. карыстальнікаў Інтэрнэта.
Найбуйнейшая ў Беларусі выстава па тэлекамунікацыях, інфармацыйных і банкаўскіх тэхналогіях «ТІБО» праводзіцца з 1994 года. У «ТІБО‑2010» бяруць удзел больш чым 200 кампаній з 12 краін. Асноўныя разделы выставы — тэлекамунікацыйнае абсталяванне, інфакамунікацыйныя паслугі, банкаўскія, фінансавыя тэхналогіі, сістэмы бяспекі.
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары