U ZŠA zajavili, što mohuć abrynuć ekanomiku Rasii. Ale treba dapamoha Jeŭropy
Ministr finansaŭ ZŠA Skot Biesient u niadzielu daŭ zrazumieć, što ZŠA hatovyja supracoŭničać ź jeŭrapiejskimi krainami ŭ tym, što tyčycca ŭviadzieńnia dadatkovych sankcyj suprać krain, jakija kuplajuć rasijskuju naftu, z tym, kab «razburyć» rasijskuju ekanomiku, piša Bi-bi-si.
«My hatovyja ŭzmacnić cisk na Rasiju, ale nam treba, kab našy jeŭrapiejskija partniory rušyli ŭśled našamu prykładu», — zajaviŭ Biesient u intervju telekanału NBC News.
«Ciapier idzie honka pamiž tym, jak doŭha zmoža pratrymacca ŭkrainskaje vojska, i tym, jak doŭha zmoža pratrymacca rasijskaja ekanomika, — dadaŭ Biesient. —
I, kali ZŠA i [Jeŭrapiejski sajuz] zmohuć umiašacca, uvieści dadatkovyja sankcyi, druhasnyja taryfy na krainy, jakija kuplajuć rasijskuju naftu, rasijskaja ekanomika całkam abryniecca, i heta prymusić prezidenta Pucina sieści za stoł pieramovaŭ».
U žniŭni administracyja Trampa nakłała 50-pracentnyja taryfy na Indyju, spasłaŭšysia na niaspynnyja zakupki joju rasijskaj nafty.
Svaju zajavu Biesient zrabiŭ praź niekalki hadzin paśla rasijskaha ŭdaru pa Kijevie.
Amierykanskaja presa adznačaje, što Tramp, padobna, bolš piesimistyčna hladzić na sproby pakłaści kaniec vajnie, choć jon niekalki razoŭ hutaryŭ pa telefonie ź jeŭrapiejskimi lidarami, zaklikajučy ich dałučycca da ZŠA i akazać cisk na Kitaj za padtrymku Rasii ŭ vajnie z Ukrainaj.
Ciapier čytajuć
Kaardynatara pošukavaha atrada «Anioł» pasadzili za palityku2
Kamientary
- 1856 — paraza ad Vialikabrytanii i Francyi
- 1905 — paraza ad Japonii
- 1917 — paraza ad Hiermanii
- 1920 — paraza ad Polščy, Finlandyi, Estonii i ŭsich bałtyjskich dziaržaŭ
- 1939 — paraza ad Finlandyi
- 1969 — paraza ad Kitaja
- 1989 — paraza ŭ Afhanistanie
- 1989 — paraza ŭ Chałodnaj vajnie
- 1996 — paraza ad Čačni
- 2022 — paraza ad Ukrainy
- 2024 — paraza ŭ Siryi
Druhuju suśvietnuju vajnu vyjhrali ZŠA i Vialikabrytanija, tym časam jak aficery Stalina byli rasstralanyja abo adpraŭlenyja ŭ HUŁAH. Miljony trapili ŭ HUŁAH, uklučajučy impieryjalista hazi- Sałžanicyna.
Adzinyja pieramohi Maskvy — heta ŭvarvańni ŭ mienšyja krainy:
a) Vienhryja, 1956
b) Čechasłavakija, 1968
c) Małdova, 1992
d) Hruzija, 2008