Viarchoŭny sud Rasii admianiŭ rašeńni troch nižejšych instancyj pavodle spravy pra prodaž kvatery śpiavački Łarysy Dolinaj i pryznaŭ prava ŭłasnaści za pakupnicaj Palinaj Łurje. Dolinaj admovili ŭ pazovie ab pryznańni ździełki niesapraŭdnaj.
Patrabavańnie Łurje ab vysialeńni Dolinaj nakiravali na novy razhlad u Masharsud. Da zaviaršeńnia pracesu śpiavačka moža žyć u hetaj kvatery, ale paśla pavinna jaje pakinuć.
Raniej advakatka Dolinaj Maryja Puchava śćviardžała, što ŭhoda była ździejśnienaja pad uździejańniem machlaroŭ, adnak śpiavačka zajaŭlała pra hatoŭnaść viarnuć Palinie Łurje vydatkavanyja toj 112 miljonaŭ rasijskich rubloŭ (kala 1,2 miljona dalaraŭ).
Śpiavačka pradała kvateru ŭ červieni 2024 hoda, a ŭ žniŭni zajaviła, što stała achviaraj machlaroŭ. Praz sud jana damahłasia viartańnia kvatery, paśla čaho pakupnica, nie majučy da tych machlaroŭ dačynieńnia, zastałasia i biez kvatery, i biez hrošaj.
Chamoŭnicki sud Maskvy nie prymianiŭ pryncyp dvuchbakovaj restytucyi, zhodna ź jakim śpiavačka pavinna była b viarnuć hrošy pakupnicy, i raiŭ Łurje źviartacca da machlaroŭ. Mižnarodnaja asacyjacyja jurystaŭ i kansultantaŭ adznačyła, što taki padychod stvaraje niebiaśpiečny precedent i destabilizuje abaračeńnie nieruchomaści: pierachod prava ŭłasnaści na hrošy pry raźliku źjaŭlajecca asobnaj ździełkaj, i strata srodkaŭ z-za dziejańniaŭ trecich asob nie vyzvalaje pradaŭca ad abaviazku viarnuć sumu pakupniku.
Hetaja sprava vyklikała šyroki hramadski rezanans: na adras Dolinaj pastupili abvinavačvańni ŭ niadobrasumlennaści, hledačy stali zdavać bilety na kancerty, a ŭ internecie pačałasia kampanija jaje «admieny».
Akramia taho, kiejs stvaryŭ novuju schiemu machlarstva: pradaviec, ździejśniŭšy ŭhodu, pazoŭ ab jaje niesapraŭdnaści abhruntoŭvaje tym, što staŭ achviaraj dziejańniaŭ afierystaŭ. U 2025 hodzie pa «schiemie Dolinaj» asprečyli bolš za try tysiačy ŭhod, pakinuŭšy dobrasumlennych pakupnikoŭ biez žylla i srodkaŭ, a niekatorych — jašče i ź ipatečnymi kredytami.
Juryst nazvaŭ kolkaść paciarpiełych ad «schiemy Dolinaj»
U Minsku adbyŭsia sud, anałahičny vypadku z kvateraj Dolinaj. Jak jon skončyŭsia?
Jak vyhladaje znakamitaja kvatera Dolinaj, praź jakuju śpiavačku źnienavidzieli ŭ Rasii
Hierainia tabłoidaŭ apošniaha času Łarysa Dolina źniałasia ŭ navahodnim šou na BT
U Rasii z-za «efiektu Dolinaj» 3000 siemjaŭ zastalisia biez žylla. Ci varta bajacca biełarusam?
Machlary raźviali rasijskuju śpiavačku Łarysu Dolinu. Jana pieraviała im miljon dalaraŭ
Ciapier čytajuć
U Varšavu pryjechała sotnia biełaruskich palitviaźniaŭ16
Kamientary
I jakim pravam vydalajecie takija kamientary? Tut nie BSSR, kab sabie takoje dazvalali.