У Венесуэле вызвалілі 30 палітвязняў, сярод іх — вядомыя апазіцыянеры
Агульная колькасць вызваленых з 8 студзеня дасягнула 383 чалавек, піша Reuters са спасылкай на родных вызваленых палітычных зняволеных і праваабарончую групу Foro Penal.
Сярод вызваленых — паплечнікі нобелеўскай лаўрэаткі і апазіцыянеркі Марыі Карыны Мачада Хуан Пабла Гуаніпа, а таксама вядомы адвакат Перкінс Роча.
Reuters адзначае, што гэта апошнія гучныя вызваленні, здзейсненыя ўладамі Каракаса, якія знаходзяцца пад ціскам ЗША з патрабаваннем вызваліць палітычных зняволеных.
Праваабарончая група Foro Penal паведаміла, што ў нядзелю былі вызваленыя 30 палітвязняў. Таксама арганізацыя пацвердзіла, што з 8 студзеня, калі ўрад Венесуэлы абвясціў пра пачатак новай хвалі вызваленняў, на волю выйшлі 383 палітычныя зняволеныя.
Роча, адвакат апазіцыйнага руху Vente Venezuela, быў затрыманы ў жніўні 2024 года па абвінавачанні ў тэрарызме і звязаных з ім злачынствах. Гуаніпа быў арыштаваны ў траўні мінулага года пасля некалькіх месяцаў знаходжання ў падполлі — яго абвінавацілі ў кіраўніцтве тэрарыстычнай змовай. Абодва адмаўляюць усе абвінавачанні — як асабіста, так і праз сваіх родных і прыхільнікаў.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА7
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны33
Каментары