Хто той гомельскі гендырэктар прадпрыемства, якога вінавацяць у мільённых махінацыях
Сёння МУС з дзяржкантролем справаздачыліся, што раскрылі маштабную схему крадзяжу грошай на адным з дзяржаўных прадпрыемстваў лёгкай прамысловасці Гомельскай вобласці. Назва прадпрыемства не называлася, але «Флагшток» паспрабаваў высветліць гэта.
Па версіі «Флагштока», гаворка, хутчэй за ўсё, ідзе аб прадпрыемстве канцэрна «Беллегпрам» — ААТ «Праца», якое размешчана ў цэнтры Гомеля і займаецца вытворчасцю спецабутку, спецадзення і сродкаў індывідуальнай абароны.
Лагатып менавіта гэтай фабрыкі паказаны ў відэа МУС.
На званок «Флагштока» на прадпрыемстве адказалі, што генеральны дырэктар Віктар Півавараў нібыта знаходзіцца ў адпачынку і звязацца з ім пакуль ніяк нельга.
Калі сапраўды гаворка ідзе аб гэтым прадпрыемстве, то яго кіраўніка абвінавачваюць у прысваенні сум, якія шматразова перавышаюць даход усёй фабрыкі.
Па дадзеных за 2024 год, чысты прыбытак прадпрыемства склаў усяго 13 тысяч рублёў.
Характэрна, што, згодна з палажэннем канцэрна аб камісіі па супрацьдзеянні карупцыі, менавіта кіраўнік прадпрыемства з'яўляўся яе старшынёй.
Як паведаміла сёння МУС, 51‑гадовы генеральны дырэктар дзяржпрадпрыемства разам з 46‑гадовым кіраўніком прыватнай фірмы арганізавалі фіктыўныя пастаўкі сыравіны.
Менш чым за тры гады саўдзельнікі прысвоілі каля 1,4 мільёна рублёў. Гэтыя грошы яны выкарыстоўвалі для асабістага жыцця: куплялі дарагія аўтамабілі, будавалі і добраўпарадкоўвалі прыватныя дамы.
Заведзена крымінальная справа за крадзеж шляхам злоўжывання службовымі паўнамоцтвамі. Абодва падазраваныя арыштаваныя. Ім пагражае да 12 гадоў пазбаўлення волі.
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
-
«Кіберпартызаны» і група Silent Crow заявілі пра ўзлом Расстата і атрыманне даных пра ваенныя страты
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары