U Minsku stvorany Kamierny duchoŭny teatr centra pravasłaŭnaj kultury «Spadarožnik chryścijanina», raźmieščanaha na terytoryi staličnaha pravasłaŭnaha prychoda abraza Božaj Maci »Usich tužlivych Radaść». Pra heta paviedamiŭ 25 maja ŭ Minsku na pres‑kanfierencyi nastajaciel prychoda mitraforny protaijerej Ihar Karaścialoŭ.
Pavodle jaho słoŭ, u adpaviednaści z pahadnieńniem pamiž dziaržavaj i Biełaruskim ekzarchatam Ruskaj pravasłaŭnaj carkvy prajekt realizujecca ŭ miežach respublikanskaj duchoŭna‑aśvietnaj prahramy »Siamja — jadnańnie — Ajčyna». Siarod jaje zadač ajciec Ihar nazvaŭ zaćviardžeńnie chryścijanskich siamiejnych i maralnych kaštoŭnaściej, idej duchoŭnaha adradžeńnia nacyi, zachavańnia šmatviakovaj histaryčnaj spadčyny, a taksama vychavańnie hramadzianskaści, patryjatyzmu i nacyjanalnaj samaśviadomaści, kultury siamiejnych adnosinaŭ i zdarovaha sposabu žyćcia.
Pavodle słoŭ mastackaha kiraŭnika i hałoŭnaha režysiora Kamiernaha duchoŭnaha teatra Natalli Bašavaj, prahrama ŭstanovy skiravana na papularyzacyju asnoŭ pravasłaŭnaj kultury praz teatralnyja i kancertna‑vidoviščnyja mierapryjemstvy. Siarod ich Bašava nazvała muzyčnyja, dramatyčnyja i lalečnyja śpiektakli, kancertnyja prahramy dla dziaciej i darosłych, litaraturna‑muzyčnyja teatralnyja haścioŭni z udziełam viadomych kalektyvaŭ, akcioraŭ i teatralnych dziejačaŭ, litaraturna‑muzyčnyja prezientacyi knih vydaviectva Biełaruskaha ekzarchatu, viečary členaŭ tvorčych sajuzaŭ, śviaty‑konkursy duchoŭnaj dziciačaj pieśni «Hołas anioła», a taksama hała‑kancerty ŭ ramkach zakryćcia prahramy «Siamja — jadnańnie — Ajčyna» ŭ rajonnych centrach.
Vykanaŭčy dyrektar teatra paet i kampazitar Viačasłaŭ Babkoŭ paviedamiŭ pra namier ažyćciavić muzyčny carkoŭna‑dziaržaŭny prajekt »Charavoje pole» z udziełam usich charavych kalektyvaŭ krainy, jakija sumiesna vykanajuć tvory duchoŭnaha mastactva. Pavodle jaho słoŭ, hety prajekt miarkujecca realizavać da čarhovaha śviata Vialikadnia ŭ spartyŭna‑vidoviščnym kompleksie «Minsk‑Arena».
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary