Biełarusbank pierahledzieŭ umovy supierkredytu na novabudoŭli, što vydajecca pad 1%
Našumieły kredyt na kuplu kvater u novabudoŭlach pad 1% nielha budzie daterminova pahašać pieršyja piać hadoŭ.
Biełarusbank užo ŭnios udakładnieńni va ŭmovy ipatečnaj prahramy, piša Office Life.
Kredyt źjaviŭsia ŭ pačatku žniŭnia, a ŭžo 21 žniŭnia ŭ sacyjalnych sietkach źjaviłasia infarmacyja pra novyja niuansy prahramy.
Jak skazana na sajcie banka, «daterminovaje pahašeńnie ažyćciaŭlajecca biez abmiežavańniaŭ, za vyklučeńniem kredytu «Ipateka z nami» (hrejs-pieryjad 24 miesiacy), pa jakim prava na daterminovaje pahašeńnie kredytu pradastaŭlajecca tolki paśla zakančeńnia 60 miesiacaŭ z daty zaklučeńnia kredytnaha dahavora».
— Źmieny ŭstupili ŭ siłu ź siońniašniaha dnia, — raskazali Office Life ŭ Biełarusbanku. — Na praciahu 60 miesiacaŭ hety kredyt nielha budzie daterminova pahašać. Heta datyčycca ŭsich zabudoŭščykaŭ.
U banku taksama ŭdakładnili, što hetyja ŭmovy pa ipatecy pad 1% dziejničajuć dla novych dahavoraŭ, jakija zaklučajucca. Dla tych, chto ŭžo paśpieŭ ich zaklučyć, zastanucca raniejšyja ŭmovy.
Takim čynam, pahašać supierkredyt ciapier buduć nastupnym čynam: u pieršy hod treba płacić tolki pracenty pa kredycie, zatym pačynajecca pahašeńnie asnoŭnaha doŭhu, i ŭvieś hety čas budzie dziejničać staŭka 1% hadavych. Paśla hetaha pačnie dziejničać asnoŭnaja staŭka — staŭka refinansavańnia plus 6,15 p.p. (ciapier heta 15,4%). I tolki praz try hady vypłat pa poŭnaj staŭcy možna budzie daterminova pahasić kredyt.
Raniej žurnalisty raźličvali prykładnyja płaciažy pa supierkredycie pry kupli kvater u roznych zabudoŭščykaŭ. Naprykład, płaciažy pa kredycie na 50% koštu adnapakajovaj kvatery ŭ rajonie $120 tys. składuć: z 1‑ha pa 12‑y miesiac — 151 rubiel, z 13‑ha pa 24‑y miesiac — 875 rubloŭ, z 25‑ha pa 239‑y miesiac — 2363 rubli. Kab taki kredyt uchvalili, zarobak pavinien być nie mienš za 3,8 tys. rubloŭ.
Jak udakładnili ŭ Biełarusbanku, zvarotaŭ pa hety kredyt ciapier šmat. Jak doŭha budzie dziejničać hetaja prahrama, pakul nieviadoma.
Ci dapamoža supierkredyt na novabudoŭli i druhasnamu rynku? Piać pytańniaŭ pra ipateku pad adzin pracent
Kolki daviadziecca płacić pa rezanansnym kredycie pad 1%?
Ludzi abryvajuć telefony, na kvateru pretenduje 2‑3 čałavieki. Anons ipateki pad 1% vyklikaŭ ažyjataž
«Pačaŭ mianie dušyć». Minčuki pabilisia pad ofisam zabudoŭščyka praź ilhotny kredyt
U jakich žyłych kompleksach možna budzie kupić kvateru ŭ ipateku pad 1%?
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?3
Kamientary