Na leśvicy sałona pryhažości ŭ Maładziečnie klijentak pałochajuć vužy
U Maładziečnie naviedvalnicy i supracoŭnicy adnaho z sałonaŭ pryhažości sutyknulisia ź niečakanymi «haściami» — leśvicu da pamiaškańnia ablubavali niekalki vužoŭ, piša vydańnie Blizko.by.
Pa słovach miascovaj žycharki Kaciaryny, jakaja raskazała pra situacyju ŭ sacyjalnych sietkach, źmiei pavodziać siabie spakojna i nie prajaŭlajuć ahresii, adnak ich prysutnaść mocna pałochaje žančyn, jakija prychodziać u sałon.
Dziaŭčyna źviarnułasia ŭ MNS, ale, pavodle jaje słoŭ, tam adkazali, što vyłavam niejadavitych źmiej i pošukam ich hniozdaŭ nie zajmajucca.
«Prychodziš u sałon, a pad nahami — vuž», — apisała situacyju Kaciaryna, pacikaviŭšysia, ci jość śpiecyjalisty, jakija mohuć dapamahčy ŭ takich vypadkach.
Vužy ŭ haradskich umovach sustrakajucca davoli časta, asabliva pablizu parkaŭ, rek i inšych vadajomaŭ. Dla čałavieka jany nie ŭjaŭlajuć niebiaśpieki: vužy niejadavityja, zvyčajna nie napadajuć pieršymi i pry sustrečy ź ludźmi imknucca schavacca abo ŭciačy.
Kali ž źmiei rehularna źjaŭlajucca kala žyłoha doma ci hramadskaha abjekta i vyklikajuć paniku ŭ ludziej, možna źviarnucca ŭ miascovuju słužbu ŽKH.
Biełarus pajšoŭ hulać u les i sustreŭ «vuža na maksimałkach» FOTAFAKT
Mane i nie śniłasia. U dendrasadzie kala Naračy možna pabačyć sažałku z harłačykami i bolš za 500 raślin
Čaćviorty vid źmiej moža źjavicca ŭ Biełarusi praź źmianieńnie klimatu
Hihanckaja źmiajuka napałochała ludziej u Mazyry. Vyśvietliłasia, što jaje vyhulvaŭ 12‑hadovy chłopčyk
Kamientary