Biełaruś zakryvaje svajo pasolstva ŭ Finlandyi. Adpaviednaje rašeńnie ŭrad pryniaŭ 20 žniŭnia, vynikaje z zapisu ŭ Nacyjanalnym rejestry pravavych aktaŭ. U im zarehistravana pastanova Savieta ministraŭ №424 «Ab zakryćci Pasolstva Respubliki Biełaruś u Finlandskaj Respublicy», zaŭvažyła vydańnie «Pozirk».
Sam tekst pastanovy pakul nie apublikavany, a pres-słužba ŭrada aficyjna pra rašeńnie nie paviedamlała.
Dypłamatyčnyja adnosiny pamiž Biełaruśsiu i Finlandyjaj byli ŭstalavanyja 26 lutaha 1992 hoda. Finskaje dypłamatyčnaje pradstaŭnictva ŭ Minsku pačało pracavać 1 kastryčnika 2010 hoda jak adździaleńnie pasolstva Finlandyi ŭ Litvie. Biełaruskaje pasolstva ŭ Chielsinki dziejničaje z 5 śniežnia 2011 hoda.
Biełaruskaje pasolstva ŭ Finlandyi taksama było akredytavana pa sumiaščalnictvie ŭ Danii. Z 2018 da 2024 hoda pasłom byŭ Alaksiej Samasujeŭ. Novy pasoł pryznačany nie byŭ. Ciapier na sajcie pasolstva ŭžo niama infarmacyi pra kantaktnych asob.
Pry hetym faktyčna praca dypłamatyčnaj misii ŭžo była prypynienaja raniej. 3 lipienia 2026 hoda na sajcie pasolstva źjaviłasia paviedamleńnie pra «časovaje prypynieńnie pracy». Pryčyna nie ŭdakładniałasia. U paviedamleńni havaryłasia, što sa žniŭnia pa konsulskija pytańni biełarusam prapanujuć źviartacca ŭ inšyja biełaruskija zamiežnyja ŭstanovy, u tym liku ŭ Hienieralnaje konsulstva ŭ Daŭhaŭpiłsie abo pasolstva ŭ Stakholmie.
Publikacyi pra handlova-ekanamičnaje supracoŭnictva Biełarusi i Finlandyi na sajcie pasolstva spynilisia jašče ŭ 2022 hodzie. Pry hetym zachoŭvajecca infarmacyja pra palityčnyja kantakty dźviuch krain, u tym liku pra ŭzajemnyja vizity vysokaha ŭzroŭniu, jakija adbyvalisia da 2021 hoda.
Farmalna na sajcie dypmisii adnosiny pamiž dźviuma dziaržavami charaktaryzujucca jak zasnavanyja na ŭzajemnaj pavazie i ŭzajemnaj vyhadzie, biez prablem i supiarečnaściaŭ. Adnak realnyja palityčnyja adnosiny istotna pahoršylisia paśla padziej 2020 hoda.
Zakryćcio pasolstva ŭ Chielsinki adbyvajecca ŭ ramkach bolš šyrokaj «aptymizacyi» biełaruskaj dypłamatyčnaj sietki. Hety praces pačaŭsia jašče ŭ krasaviku 2021 hoda. Častka biełaruskich pasolstvaŭ u Jeŭropie zakryvajecca, a niekatoryja susiednija krainy pierachodziać pad akredytacyju biełaruskich pasłoŭ, jakija pracujuć u inšych dziaržavach.
Pry hetym paralelna Minsk pašyraje sietku hienieralnych konsulstvaŭ u Rasii.
Ryžankoŭ palacieŭ adpačyvać u KNDR
«Biełpoł» apublikavaŭ rasśledavańnie pra biełaruskich špijonaŭ pad dypprykryćciom u Azii, Afrycy i Amierycy. Chto jany? Poŭny śpis
Jak atrymać letam šenhien? Čamu biełarusam u im admaŭlajuć i dzie atrymać vizu praściej?
Biełarusy ciapier mohuć jeździć na Bali bieź vizaŭ
Biełaruś adkryje pasolstva ŭ Mjanmie
Kamientary