Hienierał płanuje abviaścić pra svaje prezidenckija ambicyi ŭžo ŭ samy najbližejšy čas.
«NN» stała viadoma, što były deputat pałaty pradstaŭnikoŭ, hienierał Valer Frałoŭ u najbližejšy čas abvieścić pra namiery bałatavacca na pasadu prezidenta Respubliki Biełaruś.
Infarmacyju haziecie prakamientavaŭ sam V.Frałoŭ: «Ja ciapier abdumvaju takuju mahčymaść. Adnak vierahodnaść taho, što ja budu vyłučacca vielmi vialikaja. Dumaju, u bližejšyja dni ŭsio stanie viadoma. Jość šmat ludziej, jakija nastojvajuć na maim vyłučeńni — moładź, afhancy. Hetyja ludzi nie dajuć mnie spać».
Valer Frałoŭ taksama prakamientavaŭ mahčymaść aljansu ź inšymi kandydatami: «Ja hatovy razmaŭlać z usimi, chto budzie hatovy realna pracavać. Zaraz mnie najbolš vartym z tych, chto ŭžo vyłučyŭsia, bačycca Andrej Sańnikaŭ.
Adnak mahčyma, što ŭ pracesie źjavicca jašče niekalki asobaŭ. Dla mianie nie tak važna, levy kandydat ci pravy. Važna, kab jon byŭ varty pasady prezidenta krainy».
Pra svaje prezidenckija ambicyi ŭžo zajavili Aleś Michalevič (eks-namieśnik staršyni Partyi BNF), Vital Rymašeŭski (BCHD), Andrej Sańnikaŭ (kaardynatar Chartyi'97), Mikałaj Statkievič (arhkamitet BSDP «Narodnaja hramada») ad partyi BNF vyłučany Ryhor Kastusioŭ
Siońnia, u paniadziełak, projduć prezientacyi kandydata ad AHP Jarasłava Ramančuka i Biełaruskaj partyi «zialonych» Juryja Hłušakova.
Namiaknuŭ pra svoj mahčymy ŭdzieł u vybarach Alaksandr Kazulin i nie vyklučaje takoha Uładzimir Niaklajeŭ.
Najbolšy rejtynh siarod lideraŭ apazicyi maje Alaksandr Milinkievič, staršynia Ruchu «Za Svabodu». Jon budzie bałatavacca amal napeŭna.
Alaksandr Łukašenka aficyjna pra svoj udzieł u vybarach pakul nie zajaviŭ, ale ŭ hetym nichto nie sumniajecca.
Prezidenckija vybary ŭ Biełarusi pavinny prajści na paźniej za 6 lutaha 2011 hoda. Nie vyklučana, što jany projduć užo ŭvosień.
Hienierał Frałoŭ užo sprabavaŭ bałatavacca ŭ 2006 hodzie, ale sabraŭ 58 tys. podpisaŭ.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary