Генерал плануе абвясціць пра свае прэзідэнцкія амбіцыі ўжо ў самы найбліжэйшы час.
«НН» стала вядома, што былы дэпутат палаты прадстаўнікоў, генерал Валер Фралоў у найбліжэйшы час абвесціць пра намеры балатавацца на пасаду прэзідэнта Рэспублікі Беларусь.
Інфармацыю газеце пракаментаваў сам В.Фралоў: «Я цяпер абдумваю такую магчымасць. Аднак верагоднасць таго, што я буду вылучацца вельмі вялікая. Думаю, у бліжэйшыя дні ўсё стане вядома. Ёсць шмат людзей, якія настойваюць на маім вылучэнні — моладзь, афганцы. Гэтыя людзі не даюць мне спаць».
Валер Фралоў таксама пракаментаваў магчымасць альянсу з іншымі кандыдатамі: «Я гатовы размаўляць з усімі, хто будзе гатовы рэальна працаваць. Зараз мне найбольш вартым з тых, хто ўжо вылучыўся, бачыцца Андрэй Саннікаў.
Аднак магчыма, што ў працэсе з’явіцца яшчэ некалькі асобаў. Для мяне не так важна, левы кандыдат ці правы. Важна, каб ён быў варты пасады прэзідэнта краіны».
Пра свае прэзідэнцкія амбіцыі ўжо заявілі Алесь Міхалевіч (экс-намеснік старшыні Партыі БНФ), Віталь Рымашэўскі (БХД), Андрэй Саннікаў (каардынатар Хартыі'97), Мікалай Статкевіч (аргкамітэт БСДП «Народная грамада») ад партыі БНФ вылучаны Рыгор Кастусёў
Сёння, у панядзелак, пройдуць прэзентацыі кандыдата ад АГП Яраслава Раманчука і Беларускай партыі «зялёных» Юрыя Глушакова.
Намякнуў пра свой магчымы ўдзел у выбарах Аляксандр Казулін і не выключае такога Уладзімір Някляеў.
Найбольшы рэйтынг сярод лідэраў апазіцыі мае Аляксандр Мілінкевіч, старшыня Руху «За Свабоду». Ён будзе балатавацца амаль напэўна.
Аляксандр Лукашэнка афіцыйна пра свой удзел у выбарах пакуль не заявіў, але ў гэтым ніхто не сумняецца.
Прэзідэнцкія выбары ў Беларусі павінны прайсці на пазней за 6 лютага 2011 года. Не выключана, што яны пройдуць ужо ўвосень.
Генерал Фралоў ужо спрабаваў балатавацца ў 2006 годзе, але сабраў 58 тыс. подпісаў.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока3
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары