U hetaj rezidencyi šmat času pravodzić Alina Kabajeva z synami Pucina.
U sakaviku 2026 hoda vakoł rezidencyi Pucina na Vałdai pabudavali 7 novych viežaŭ z «Pancyrami». Ahulnaja kolkaść sistem supraćpavietranaj abarony vakoł vałdajskaj rezidencyi prezidenta dasiahnuła 27, piša ruskaj słužba «Radyjo Svaboda».
Jak śviedčać spadarožnikavyja zdymki Planet.com, budaŭnictva adrazu 7 novych viežaŭ dla «Pancyraŭ» pačałosia ŭ adzin dzień — 17 sakavika. Niekatoryja ź ich užo abstalavany zienitna-rakietnymi kompleksami.
Jak i viežy z «Pancyrami» vakoł Maskvy, sistemy SPA na Vałdai raźmieščany vakoł rezidencyi Pucina dvuma kolcami vialikaha i małoha dyjamietra.
U rezidencyi na Vałdai, jak raniej vyśvietlili žurnalisty rasśledvalnickaha prajekta «Sistema», šmat času pravodzić Alina Kabajeva z synami Pucina, a dla samoha rasijskaha prezidenta tam pabudavali adnu z dakładnych kopij jaho kramloŭskaha kabinieta.
Raniej vydańnie vyjavili bolš za 20 viežaŭ z bujnakalibiernymi kulamiotami, a taksama niekalki podyumaŭ z ZRK «Pancyr» byli ŭźviedzieny na terytoryi i pa pierymietry asablivaj ekanamičnaj zony «Ałabuha» ŭ Tatarstanie, dzie Rasija vyrablaje BPŁA «Hierań» — madyfikavanyja viersii iranskich «Šachiedaŭ».
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary