Pravaabarončy centr «Viasna» adkryŭ dadatkovy ofis u Varšavie
Pravaabarončy centr «Viasna» ciapier budzie vieści pastajannuju pracu i z Varšavy, kudy pierabrałasia bolšaja častka jaho kamandy. Raniej ofis «Viasny» byŭ tolki ŭ Vilni. Pra heta raspavioŭ kiraŭnik arhanizacyi Aleś Bialacki na ŭračystaści ŭ honar 30‑hodździa «Viasny», jakaja prajšła 21 krasavika ŭ Muziei Volnaj Biełarusi ŭ Varšavie, paviedamlaje «Lusterka».
Aleś Bialacki adznačyŭ, što apošnija piać hadoŭ, jakija jon i niekalki jaho kaleh praviali ŭ turmie, a arhanizacyi pryjšłosia vieści dziejnaść z-za miažy, byli vielmi ciažkimi, ale «Viaśnie» ŭdałosia vyžyć, bolš za toje — pryjšło šmat novych ludziej, źjaviłasia cełaje novaje pakaleńnie «viasnoŭcaŭ».
Zaraz, pavodle jaho słoŭ, kamanda rassypanaja pa roznych krainach, niekatoraja častka zastałasia ŭ Vilni, ale bolšaja častka ciapier pracuje z Varšavy.
«Hetaj sustrečaj siońnia my faktyčna zapačatkoŭvajem pastajannuju sistematyčnuju pracu pravaabarončaha centra «Viasna» ŭ Varšavie, u Polščy. Peŭnaja častka viasnoŭcaŭ pracuje taksama ŭ Biełastoku. My miarkujem, što naša praca budzie, jak i raniej, i važnaja, i karysnaja dla našaha biełaruskaha narodu. I my vielmi ŭdziačnyja polskim uładam, jakija stvaryli ŭmovy dla biełaruskich palityčnych biežancaŭ praciahvać svaju pracu na karyść Biełarusi tut i rabić heta efiektyŭna», — skazaŭ kiraŭnik arhanizacyi.
Kamientary
Jašče raz. Niama Lusterka, jość Zierkało.