Праваабарончы цэнтр «Вясна» адкрыў дадатковы офіс у Варшаве
Праваабарончы цэнтр «Вясна» цяпер будзе весці пастаянную працу і з Варшавы, куды перабралася большая частка яго каманды. Раней офіс «Вясны» быў толькі ў Вільні. Пра гэта распавёў кіраўнік арганізацыі Алесь Бяляцкі на ўрачыстасці ў гонар 30‑годдзя «Вясны», якая прайшла 21 красавіка ў Музеі Вольнай Беларусі ў Варшаве, паведамляе «Люстэрка».
Алесь Бяляцкі адзначыў, што апошнія пяць гадоў, якія ён і некалькі яго калег правялі ў турме, а арганізацыі прыйшлося весці дзейнасць з-за мяжы, былі вельмі цяжкімі, але «Вясне» ўдалося выжыць, больш за тое — прыйшло шмат новых людзей, з’явілася цэлае новае пакаленне «вясноўцаў».
Зараз, паводле яго слоў, каманда рассыпаная па розных краінах, некаторая частка засталася ў Вільні, але большая частка цяпер працуе з Варшавы.
«Гэтай сустрэчай сёння мы фактычна запачаткоўваем пастаянную сістэматычную працу праваабарончага цэнтра «Вясна» ў Варшаве, у Польшчы. Пэўная частка вясноўцаў працуе таксама ў Беластоку. Мы мяркуем, што наша праца будзе, як і раней, і важная, і карысная для нашага беларускага народу. І мы вельмі ўдзячныя польскім уладам, якія стварылі ўмовы для беларускіх палітычных бежанцаў працягваць сваю працу на карысць Беларусі тут і рабіць гэта эфектыўна», — сказаў кіраўнік арганізацыі.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары
Яшчэ раз. Няма Люстэрка, ёсць Зеркало.