«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
Raniej biełaruskamoŭnaje mieniu było adnoj ź fišak ustanovy ŭ «domie z rusałkami».
Adnak kali niadaŭna adna z naviednic zajšła ŭ kafe Mon Nom na Traktarnym zavodzie i pa staroj tradycyi paprasiła ŭ aficyjanta biełaruskamoŭnaje mieniu, joj adkazali, što «jaho daŭno prybrali».
Pryčyna źniknieńnia, pa słovach supracoŭnikaŭ, źviazanaja ź niezapatrabavanaściu.
«Raniej na biełaruskamoŭnaje mieniu byŭ zapyt, tamu my drukavali i na ruskaj movie, i na anhlijskaj, i na biełaruskaj. Za apošni čas nichto biełaruskamoŭnaje mieniu ŭ nas nie prasiŭ, tamu my jaho bolš nie padajom», — raspaviali ŭ kaviarni.
Pry hetym u minułym aficyjanty prynosili mieniu na rodnaj movie, tolki pačuŭšy, jak naviedvalniki na joj razmaŭlajuć — pra heta navat nie treba było prasić.
U 2023 hodzie bistro Mon Nom adkryłasia taksama ŭ Varšavie (a ŭ 2025‑m jašče adno). U varšaŭskim anałahu kafe siońnia prapanoŭvajuć mieniu i na biełaruskaj, i na polskaj, i na ŭkrainskaj, i na anhlijskaj movach.
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
-
Vosiem anłajn-servisaŭ dla vyvučeńnia biełaruskaj movy na prasunutym uzroŭni
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary