Čynoŭnik patłumačyŭ, čamu nielha rabić jadzierny mohilnik u Astravieckim rajonie
Šancy na budaŭnictva jadziernaha mohilnika na ŭschodzie Biełarusi rezka vyraśli.
Šancy na budaŭnictva jadziernaha mohilnika na ŭschodzie Biełarusi (Chojnicki rajon Homielščyny ci Mścisłaŭski rajon Mahiloŭščyny) rezka vyraśli. Heta adbyłosia paśla niečakanaj zajavy pieršaha namieśnika načalnika Dziaržatamnahladu Biełarusi, piša «Fłahštok».
Leanid Dziedul vykazaŭsia tak: «Kali raźmiaścić jaho pobač z atamnaj stancyjaj, to ŭ vypadku niejkaj hipatetyčnaj padziei na stancyi, jana moža paŭpłyvać na biaśpieku pracy punkta zachavańnia, dzie my płanujem u tym liku raźmiaščać i tak zvanyja avaryjnyja radyjeaktyŭnyja adchody».
Praściej kažučy, u vypadku surjoznaj avaryi na BiełAES radyjeaktyŭnaje zabrudžvańnie moža zrabić niebiaśpiečnym absłuhoŭvańnie raniej pachavanych adkidaŭ.
Heta zajava vyhladaje dziŭnaj, pakolki jana prahučała bieź infarmacyjnaj nahody, i idzie ŭrazrez sa słovami byłoha dyrektara dziaržpradpryjemstva pa abychodžańni z radyjeaktyŭnymi adchodami «BiełRAA» Dźmitryja Łohvina.
Toj kazaŭ, što aktyŭnaść hramadzian moža stać vyrašalnaj pry vybary placoŭki dla budaŭnictva radyjoaktyŭnaha schovišča.
Pavodle jaho słoŭ, bolš za 70% žycharoŭ Astravieckaha rajona na siońniašni dzień nie suprać budaŭnictva schovišča. U Mahiloŭskaj vobłaści (imavierna, havorka idzie pra Mścisłaŭski rajon) nie piarečać 60% nasielnictva.
U rajonie radyjełahičnaha zapaviednika z budaŭnictvam mohilnika zhodnyja mienš za 50% hramadzian (padobna, majucca na ŭvazie žychary Chojnickaha rajona Homielskaj vobłaści).
Adkrytaje abmierkavańnie budzie prachodzić u žniŭni-vieraśni 2026 hoda. Kančatkovaje rašeńnie ŭłady płanuje pryniać u 2026—2027 hadach.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary
Zhodna z tymi ž apytankami "vieterany" patrabujuć jak maha bolš radyjaktyŭnych mohiłak i reaktaraŭ paŭsiul i ŭsiudy. Aby tolki režym moh papialić hrošy.
2. Heta zajava vyhladaje dziŭnaj, pakolki jana prahučała bieź infarmacyjnaj nahody, i idzie ŭrazrez sa słovami byłoha dyrektara dziaržpradpryjemstva pa abychodžańni z radyjeaktyŭnymi adchodami «BiełRAA» Dźmitryja Łohvina.
Čamu bieź infarmacyjnaj nahody? "protiečka iono-obmiennych smoł" - heta toje što trapiła u majo asabistaje infarmacyjnaje pole zroku. Ja nie pamiataju krynicu.
Jak ja ujaŭlaju sabie VVER i CANDU (Kanada Dejteryj Uran). I tam i tam vada 1-ha kontura achałodžańnia reaktara pastupova pierastaje być vadoj. Niebiaśpieku ujaŭlaje ź siabie trytyj. VVER nie moža napracoŭvać jaho u takoj kolkaści jak CANDU, bo pracuje na lohkaj vadzie. Lohkaja vada + niejtron = ciažkaja, na jakoj pracuje CANDU. Tamu na CANDU kolkaść trytyju bolšaja.
Jak ja ujaŭlaju sabie iona-abmiennuju smału? Nievialičkija businki palimiera, jakija lohka elektryzujucca i tamu sarbujuć z razčynu na siabie jaki-niebudź ion supraćlehłaha znaku. Nu, a kali razčyn haračy, to palimier (rezina - anh., smała) prosta moža raspłavicca i pačiacy razam z razčynam. Štatny režym takoha iona-abmiennaha filtra takoha nie dapuskaje. Šaryki napaŭnialnika znachodziacca peŭny čas u iona-abmiennaj kalonie, paśla čaho, jak ja sabie heta ujaŭlaju, pavinny prosta mianiacca na čystyja, novyja.
Avaryjny radyaktyŭny adkid - razčyn raspłaŭnienaj smały, jaki treba jašče sumieć vymyć z trubaprovada, kudy jon moža trapić. A vymyŭšy treba niejak utylizavać. Achałodžanaja smała iznoŭ zastynie.
Techničnyj detalaŭ datyčna iona-abmiennych smołaŭ i filtraŭ dla VVER-1200 ja prosta nie viedaju. Ale sam pryncyp iona-abmiennaj vadkasnaj chramatahrafii možna ubačyć u rolikach sp. Jevhienija Ivanova, prykładam na radoviščy "Chiahda" (Buratyja), na "Dałury" (Kurhanskaja vobłaść RF). Heta paliŭny dyvizijon ROSATAMA. Navošta iona-abmiennaja kalona na VVER-1200 dla mianie - adkrytaje pytańnie.
Maje sakurśniki, fiziki, pajšli z žyćcia z roznych pryčyn. Hałoŭnaja - jany byli karablami biez mora u 90-ja i uratavalisia ź ich adzinki, prosta źjechaŭšy z BSSR u inšyja strany, dzie dla ich było budź-jakaje mora.
Radujusia za Siarhieja Biesaraba i inšych, što zdoleli uratavać siabie.
Spadziajusia krynica paviedamleńnia pra "protiečku iono-obmiennych smoł" adšukajecca. A u punkcie 1 mnie bačycca imaviernaja ahavorka pa Frojdu: "my płanujem u tym liku raźmiaščać i tak zvanyja avaryjnyja radyjeaktyŭnyja adchody".