Dypłamaty ES ušanavali ŭ Minsku pamiać zahinułych u Druhoj suśvietnaj vajnie
Pradstaŭniki dypmisij Vialikabrytanii, Hiermanii, krain ES, Ukrainy i Małdovy ŭskłali kvietki da miemaryjała «Pamiać» na praśpiekcie Dziaržynskaha ŭ Minsku, paviedamiła pradstaŭnictva ES u Biełarusi.
«8 traŭnia ambasada Vialikabrytanii ŭ Minsku razam z kalehami ź inšych jeŭrapiejskich ambasadaŭ uskłali kvietki da miemaryjała «Pamiać» na praśpiekcie Dziaržynskaha ŭ znak pavahi da pamiaci zahinuŭšych u Druhoj suśvietnaj vajnie. Miemaryjał adznačaje miesca, dzie 28 červienia 1941 hoda 34 sałdaty pryniali niaroŭny boj ź niamieckimi vojskami. Dvaccać čatyry ź ich tak i zastalisia nieviadomymi. U hety dzień u 1945 hodzie byŭ padpisany akt ab biezumoŭnaj kapitulacyi Hiermanii, jaki pakłaŭ kaniec Druhoj suśvietnaj vajnie. My nie zabyvajem i šanujem pamiać usich, chto nabližaŭ dzień pieramohi ŭ Jeŭropie», — havorycca ŭ paviedamleńni pasolstva Brytanii ŭ Minsku.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary