Jak idzie budaŭnictva padziemnaha pierachoda na Arłoŭskaj u Minsku
Budaŭnictva vyjšła na finišnuju pramuju, paviedamlaje «Minskbud».
Uźviadzieńnie padziemnaha pierachoda praz vuł. Arłoŭskuju kala Nacyjanalnaha histaryčnaha muzieja znachodzicca na zaklučnym etapie. Raboty vykonvajucca «Minskmietrabudam» zhodna z zaćvierdžanym hrafikam.
Užo sabrany mietaličnyja kanstrukcyi ŭvachodnych hrup, idzie ablicoŭka prystupak hranitam. Paralelna mantujecca liftavaje abstalavańnie. Poŭnaściu zavieršana prakładka inžyniernych kamunikacyj.
Ścieny pierachoda azdobleny kieramahranitam piasočnych adcieńniaŭ. Padłoha budzie zroblena z naturalnaha hranitu — jaje ŭkładka pačniecca ŭ najbližejšy čas.
Heta ŭžo druhi padziemny pierachod, jaki mietrabudaŭcy ŭzvodziać bieź źmianieńnia schiemy ruchu transpartu. Pieršy prajekt byŭ paśpiachova realizavany na skryžavańni praśpiekta Niezaležnaści z vuł. Turaŭskaha i Kalinoŭskaha: abjekt zdali za vosiem miesiacaŭ zamiest narmatyŭnych 15-ci.
Kamientary