Chronika represij i supracivu za 10–19 vieraśnia

10 vieraśnia

Dvoje nieviadomych źbili homielskich maładafrontaŭcaŭ za toje, što jany byli ŭ sakołkach z nadpisam «Za svabodu».

12 vieraśnia

U svajoj kvatery ŭ Babrujsku zatrymany deputat harsavietu, zvolnieny nastaŭnik historyi Aleś Čyhir. Sud pieranieśli śpiarša na 13 vieraśnia (bo nie pryjšli milicyjanty – śviedki abvinavačańnia), ale i tady prypynili. Tolki 15 vieraśnia zatrymanaha aktyvista asudzili na 10 sutak za akcyju pratestu, zładžanuju 31 žniŭnia.

U Mahilovie ŭłady nie dazvolili aktyvistam AHP, PKB i BSDP(H) pravieści 16 vieraśnia pikiet salidarnaści.

Kiraŭnica Bieraściejskaj filii BSDP(H) Hanna Kanius atrymała list ź milicyi: pravaachoŭniki prasili prabačeńnia za toje, što 21 žniŭnia zatrymali aŭtobus z partyjnymi aktyvistami, jaki jechaŭ uva Ŭkrainu.

Viarchoŭny Sud admoviŭsia razhladać skarhu 6000 hramadzianaŭ na Centravybarkam: jany patrabavali pierahladu vynikaŭ prezidenckich vybaraŭ.

Viačasłava Siŭčyka zatrymali ŭ kaviarni «Teatralnaj» i advieźli ŭ turmu na Akreścina: maŭlaŭ, adbyvać «zapazyčany» za sakavickija padziei prysud. 14 vieraśnia svajaki atrymali adkaz ź Mienharsudu, što prysud byŭ admienieny 6 vieraśnia, bo praces prajšoŭ z parušeńniami. 18 vieraśnia paŭtorny sud pryznačyŭ palityku 10 sutak aryštu.

13 vieraśnia

U Barysavie prajšli niesankcyjavanyja pieratrusy ŭ čatyroch moładzievych aktyvistaŭ kampanii «Za svabodu»: u adnaho kanfiskavali vinčestar ad kamputara, u astatnich – drukavanuju pradukcyju, majki, znački.

Sud nie zadavoliŭ patrabavańnia deputata Babrujskaha harsavietu Viačasłava Śvizunova adnavić jaho na pracy: jon pracavaŭ dyrektaram ŽKH Leninskaha rajonu horadu i byŭ zvolnieny za ihnaravańnie ŭkazańniaŭ vyšejšaha načalstva. adnak

Paŭła Sieviarynca dapytali ŭ spravie «Maładoha Frontu»: palitviazień ličyć, što forma pytańniaŭ aznačała dopyt u jakaści abvinavačanaha, a nia śviedki.

Aktyvistu PBNF Kastusiu Bajevu z Rečycy paviedamili, što ź im nie praciahnuć kantrakt paśla 3 kastryčnika.

14 vieraśnia

Niedziaržaŭnaj hazecie «Bobrujskij kuŕjer» nie dali akredytacyju na fest «Dažynki–2006». Pryčynaj pa telefonie čynoŭnik Mahiloŭskaha abłvykankamu nazvaŭ adsutnaść uzajemadziejnaści vydańnia z uładami.

U Mahilovie padčas schodu ŭ pryvatnym domie byli zatrymanyja 22 moładzievyja aktyvisty (u tym liku Maksim Azaraŭ, Alaksandar Anisimaŭ, Taciana Bułanava, Jaŭhien Bułanaŭ, Źmicier Daškievič, Siaržuk Lisičonak, Jaŭhien Papoŭ, Linda Sienčanka). Siarod zatrymanych byli fotakarespandentka NN Julija Daraškievič i palitviazień Artur Fińkievič, jaki pryjšoŭ na sustreču ź jurystam. Fińkieviča paśla hetaha izalavali ŭ internacie speckamendatury.

15 vieraśnia

Mienharsud adchiliŭ kasacyjnyja skarhi aktyvistaŭ «Partnerstva» i pakinuŭ u sile prysudy Mikołu Astrejku i Cimochu Drančuku.

U Miensku zatrymali Źmitra Daškieviča i advieźli ŭ śledčy izalatar na vuł. Vaładarskaha. Jaho buduć trymać za kratami da sudu.

U Salihorsku ŭ škole zatrymali moładzievaha aktyvista Ivana Šyłu: jaho abvinavacili, što jon nibyta skraŭ hrošy. Jašče adnaho aktyvista, Alaksieja Vałabujeva, zatrymali doma, kali jon pryjšoŭ z pracy, jaho asudzili na 5 bazavych vieličyniaŭ. Aktyvista KCHP-BNF Aleha Boryna zatrymali, abvinavaciŭšy ŭ «drobnym chulihanstvie»: dali 1 b.v. štrafu.

Na biełaruska-ŭkrainskaj miažy zatrymali moładzievaha aktyvista Siarhieja Siamionava, jaki viartaŭsia na radzimu

16 vieraśnia

Na vyjeździe z Salihorsku zatrymali mašynu pradprymalnika Ŭładzimiera Šyły, jaki razam z synam jechaŭ u Miensk na «Vialiki džynsavy fest».

U Niaśvižy zatrymali moładzievuju aktyvistku Nastu Azarku padčas raspaŭsiudu ŭlotak i nalepak z zaklikam udzielničać u feście ŭ Miensku.

U Miensku paśla festu byli zatrymanyja aktrysa Jana Rusakievič, moładzievyja aktyvisty Michaił Subač, Michaił Šaramiet, Dzianis Nibijok, Lilija Bałtoŭskaja. Bałtoŭskuju i Nibijka pratrymali ŭ pastarunku 12 hadzinaŭ i adpuścili biez pratakołaŭ. Šaramieta 18 vieraśnia asudzili na 5 sutak, Subaču pieranieśli sud na 19 vieraśnia. Zatrymali taksama ŭdzielnikaŭ akcyi salidarnaści z palitviaźniami na Kastryčnickaj płoščy Alaksandra Ściepanienku, Rusłana Maćviejeva, Daniłu Barysieviča dy inšych: ich pratrymali ŭ pastarunku 2 hadziny i adpuścili.

U Salihorsku na akcyi salidarnaści zatrymali niekalki moładzievych aktyvistaŭ, u tym liku I.Šyłu, Andreja Tyčynu.

U Homieli zatrymali 6 udzielnikaŭ akcyi salidarnaści, ale adpuścili praz 3 hadziny biez pratakołaŭ.

Viarchoŭny Sud razhledzieŭ skarhu aktyvista z Smurhoniaŭ Alesia Dzierhačova na 5-sutkavy aryšt padčas vybarčaj kampanii j vyrašyŭ, što prysud byŭ spraviadlivym, bo jość śviedčańni troch milicyjantaŭ.

Mienharsud pakinuŭ u sile raniejšaje rašeńnie Kastryčnickaha sudu Miensku j nie viarnuŭ aktyvistu AHP Siarhieju Alfieru kanfiskavanyja ŭ jaho ŭ sakaviku aeraporcie «Miensk–2» hrošy.

U Viciebsku milicyjanty biez tłumačeńniaŭ zabaranili fest pavietranych źmiejaŭ.

19 vieraśnia

Mienski haradzki sud razhledziŭ kasacyjnuju skarhu eks-kandydata na prezydenta Alaksandra Kazulina i pakinuŭ prysud biaź źmienaŭ. Viaźnia adpraŭlajuć u kaloniju №3 u pasiołku Vićba Viciebskaj vobłaści.

• 0
• 0
• 0
• 0
• 0
• 0
• 0
• 0