Ajatała Chamieniei paabiacaŭ adpomścić za baćku i inšych achviar vajny
Ajatała Madžtaba Chamieniei źviarnuŭsia da naroda Irana z pasłańniem, u jakim zajaviŭ, što kraina adpomścić za śmierć papiaredniaha lidara krainy, svajho baćki Ali Chamieniei, a taksama ŭsich, chto zahinuŭ u kanflikcie, raspačatym ZŠA i Izrailem.
«Pryhniečanyja paplečniki, jakija niečakana zaznali napad voraha i pryniali pakutnickuju śmierć, — błasłaŭlonyja vy… My klaniomsia adpomścić za tvaju čystuju kroŭ i kroŭ usich pakutnikaŭ… złačyncam i haniebnym zabojcam», — zajaviŭ jon.
Chamieniei nazvaŭ svajho zahinułaha baćku niavinnaj achviaraj, padziakavaŭ dziasiatkam miljonaŭ ludziej, jakija pryjšli raźvitacca z Ali Chamieniei, i zajaviŭ, što «dzivosny i vialiki» narod Irana — heta jaho historyja.
Jon dadaŭ, što Ali Chamieniei ŭsio svajo žyćcio pryśviaciŭ ideałam Isłamskaj revalucyi i prytrymlivaŭsia zapavietaŭ Chusejna — unuka praroka Muchamieda, jaki ŭ šyitaŭ ličycca trecim śviatym imamam.
Madžtaba Chamieniei zaniaŭ pasadu viarchoŭnaha lidara 8 sakavika. Jaho baćka Ali Chamieniei zahinuŭ 28 lutaha padčas avijaŭdaru, naniesienaha ŭ ramkach apieracyi ZŠA i Izraila, ale pachavali jaho tolki na hetym tydni.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary