Niepadalok ad płoščy Pieramohi ŭ niezvyčajnym domie pradajecca kvatera z sadam pad voknami i miescam dla barbiekiu
Dvuchpaviarchovyja budynki ŭ rajonie vulicy Zacharava pa-raniejšamu ličacca elitnymi: jany znachodziacca ŭ centry Minska i źmiaščajuć usiaho niekalki kvater. U adnym z takich damoŭ pradajecca trochpakajovaja kvatera ź vintažnym bałkonam. U dadatak da jaje idzie ŭłasny sad pad voknami, piša Realt.by.
Vulica Zacharava — heta ŭnikalny cichi centr z prykładami pieršaj paślavajennaj savieckaj architektury. Miascovyja damy ličylisia elitnymi i dahetul nie stračvajuć svajoj kaštoŭnaści dziakujučy raźmiaščeńniu.
Dvuchpaviarchovaja cahlanaja «stalinka» №34 była pabudavanaja ŭ 1952 hodzie. Tut sprajektavany ŭsiaho 4 kvatery. Na druhim paviersie ciapier pradajecca trochpakajovaja kvatera płoščaj 66,1 m² z kuchniaj 6,5 m².
Kvatera žyłaja, ale biez sučasnaha ramontu. Tut try pakoi, adzin ź ich — prachadny: praź jaho možna trapić u kuchniu. Taksama z hetaha pakoja jość vychad na zašklony prastorny bałkon, jaki možna pieratvaryć u letniuju stałovuju, kabiniet abo zimovy sad.
Ścieny ŭ pakojach abklejenyja špalerami, na padłozie roznaje pakryćcio, u voknach ustanoŭleny škłopakiety.
Pakoi dastatkova prastornyja, u ich źmiaščajucca spalnyja miescy i zony dla zachoŭvańnia rečaŭ.
Sumieščany sanvuzieł ablicavany plitkaj. Tut ustanoŭleny vanna, bojler i pralnaja mašyna.
U kalidory taksama znajšłosia miesca dla šafaŭ.
U rasparadžeńnie pakupnika pierachodzić i 15 kvadratnych mietraŭ u suchim sutareńni doma. Vyrašana i hałoŭnaja prablema centra horada — najaŭnaść parkovačnych miescaŭ u zakrytym unutranym dvoryku.
Biassprečnaj asablivaściu hetaha žylla možna nazvać palisadnik prosta pad voknami. Aharodžanaja zialonaja zona i nievialikaja kolkaść susiedziaŭ padorać adčuvańnie lecišča: tut kožny hod kvitnieje sad, možna pastavić sadovuju meblu, arhanizavać zonu barbiekiu.
Dom znachodzicca ŭsiaho za try chviliny chady ad stancyi mietro «Płošča Pieramohi» i centralnaha parku imia Horkaha.
Kvateru acanili na 734 965 rubloŭ (252 895 dalaraŭ).
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY5
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary