Upalavali alenia — pazbavilisia voli, aŭtamabila i 8 młn. rubloŭ
Sud Žytkavickaha rajona vynies prysud u dačynieńni da dvuch brakańjeraŭ, jakija zabili vysakarodnaha alenia ŭ Nacyjanalnym parku «Prypiacki».
Žychar vioski Najda, rabotnik pradpryjemstva mielijaracyjnych sistem, pryhavorany da troch hadoŭ pazbaŭleńnia voli za niezakonnaje nabyćcio i zachoŭvańnie zbroi i bojeprypasaŭ (č. 2 art. 295 KK) i niezakonnaje palavańnie z vykarystańniem u jakaści srodku vysočvańnia i pieraśledavańnia aŭtamabil (č. 4 art. 282 KK). Jaho chaŭruśnik, žychar Žytkavičaŭ, rabotnik AAT «Žytkavičyles», pryhavorany da dvuch hadoŭ pazbaŭleńnia voli z adterminoŭkaj vykanańnia pryhavoru na dva hady. U apošniaha taksama byŭ kanfiskavany aŭtamabil. Salidarna złačyncy pavinny kampiensavać uron, naniesieny nacyjanalnamu parku, u pamiery bolš jak 8 młn. rubloŭ.
17 červienia prysud uvajšoŭ u zakonnuju siłu, paviedamiŭ prakuror Žytkavickaha rajona Siarhiej Zajcaŭ.
Pavodle jaho słoŭ, u noč z 30 na 31 studzienia 2010 hoda abvinavačanyja na aŭtamabili »Falksvahien» z vykarystańniem niezarehistravanaj palaŭničaj strelby, u zabaronieny čas, biez adpaviednaha dazvołu i ŭ zabaronienym miescy zdabyli asobinu vysakarodnaha alenia.
Ź miesca złačynstva brakańjery ŭciakli. Supracoŭniki parku paviedamili ab zdareńni ŭ miascovuju milicyju, i złačyncy byli vykrytyja pa haračych śladach.
Pry vobysku ŭ domie adnaho z brakańjeraŭ byli znojdzieny i kanfiskavany niezarehistravanyja narazny karabin, palaŭničaja strelba i bojeprypasy. Rasśledavańniem kryminalnaj spravy zajmałasia prakuratura Homielskaj vobłaści.
«Brakańjery byli davoli surova pakaranyja, ale heta, mahčyma, prymusić padumać inšych hramadzian, ci varta aŭčynka vyrabu», — padkreśliŭ prakuror.
U Nacyjanalnym parku «Prypiacki» paviedamili, što papulacyja alenia ŭ parku składaje kala 300 asobin. Pieršapačatkovy dazvoł na praviadzieńnie palavańnia na alenia kaštuje prykładna 800—900 tys. rubloŭ. U zaležnaści ad zdabyčy parnakapytnaha hetaja suma pavialičvajecca.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3131
Kamientary