Biełarus napaŭ z nažom na rasijskaha palicejskaha, jaki sabraŭsia zatrymać jaho za nielehalnaje znachodžańnie ŭ krainie
Siarhiej Muły atrymaŭ hod kałonii-pasialeńnia. Ale źjechać z Rasii ŭsio ž daviadziecca.
Hramadzianina Biełarusi Siarhieja Mułaha pryznali vinavatym u prymianieńni hvałtu ŭ adnosinach pradstaŭnika ŭłady (častka 1 artykuła 318 KK Rasii) i pryznačyli jamu pakarańnie ŭ vyhladzie adnaho hoda pazbaŭleńnia voli z adbyvańniem u kałonii-pasieliščy.
Muły — raźviedzieny, ź niapoŭnaj siaredniaj adukacyjaj, biez pracy — z krasavika 2023 hoda žyŭ u vioscy Konanava Safonaŭskaha rajona Smalenskaj vobłaści razam z žančynaj. Pašpart hramadzianina Biełarusi jon, pavodle ŭłasnych pakazańniaŭ, zhubiŭ padčas pracy ŭ Maskvie.
19 listapada 2023 hoda Muły vypivaŭ z sužycielkaj. Uźnik kanflikt, paśla čaho žančyna vyklikała palicyju, paviedamiŭšy, što jaje bjuć i dušać. Na vyklik pryjechali staršy ŭčastkovy ŭpaŭnavažany palicyi i apieratyŭnik kryminalnaha vyšuku. Jany vyznačyli, što Muły niezakonna znachodzicca na terytoryi Rasii, tamu prapanavali prajechać u adździaleńnie, kab skłaści pratakoł.
Muły viarnuŭsia ŭ kvateru, uziaŭ na kuchni nož, paśla čaho znoŭ vyjšaŭ da palicejskich. Abmaciukaŭšy palicejskich, biełarus schapiŭ adnaho ź ich za kaŭnier i pasprabavaŭ nanieści ŭdar nažom u žyvot. Toj pierachapiŭ ruku z nažom i vybiŭ zbroju, adnak Muły nanios jamu ŭdar kułakom u voka, nie mienš za try ŭdary kułakom pa patylicy i ŭdar nahoj pa haloncy. Druhi palicejski, jaki znachodziŭsia na leśvičnaj placoŭcy, adciahnuŭ biełarusa i załamaŭ jaho.
U sudzie Muły poŭnaściu pryznaŭ vinu i raskajaŭsia. Sudździa ŭličyła, što biełarus byŭ pjany, a taksama toje, što jon nie maje rehistracyi i pastajannaha miesca žycharstva ŭ Rasii i raniej pryciahvaŭsia da administracyjnaj adkaznaści. Aproč taho, u Mułaha sindrom ałkaholnaj zaležnaści siaredniaj stadyi.
Kamientary
Sami nieboś po viečieram buchajut i svoich žion i dietiej iźbivajut. Dla rośsijan eto normalno. Osobienno dla mientov.
[Zredahavana]