Z nahody čempijanatu śvietu pa futbole muzyčny internet-partał «Tuzin Hitoŭ» na prośbu Udf.by ckłaŭ rejtynh samych hałoŭnych piesień pra futboł u historyi biełaruskaj muzyki, kudy ŭvajšli chvałaśpievy hetamu vidu sportu, futbolnyja himny i chulihanskija kryčałki ŭ vykanańni viadomych ajčynnych vykanaŭcaŭ.
Drum Ecstasy10. J:mors — «Tak-cik-tak»
Adzin z hałoŭnych biełaruskamoŭnych hitoŭ kamandy Ŭładzimiera Puhača pa sensie dačynieńnia da futbołu nia maje. Zatoje klip Viačasłava Miadźviedzieva i Aleny Bartłavaj na hetuju pieśniu demanstruje ŭsiu luboŭ muzykantaŭ da hetaha vidu sportu. Pa siužecie
Puhač razam z svaimi siabrami źjazdžajuć z horadu, kab pahaniać niešta padobnaje na miač na ŭźbiarežžy Mienskaha mora.
9. Kontra da Banda — «Pro futboł»
Pieršy biełaruski hip-hop himn futbołu zapisaŭ homielski prajekt na čale ź Siarhiejem Parchomienkam (tady jaho viedali pa mianušcy «Dyjez»). Pieśnia «Pro futboł» uvajšła ŭ dysk kamandy «Rifmotit» (2001). Cikava, što da svajho vybuchu, jaki nakryje terytoryju Biełarusi, Rasiei dy Ŭkrainy, Siaroha zapiša jašče adnu pieśniu pra futboł — «Za Šachtior!» (2003) z pradkazańniem-pryśviačeńniem budučamu ŭładalniku kubka Biełarusi (2004) i čempijonu Biełarusi (2005). «Opiať oni ihrajut hrubo, eto był stoprocientnyj foł, kakoj žiostkij futboł, kakoj nakał strastiej, mnie nužien validoł, i pochožie, čto u trieniera šok-nokaut, no on bieriot tajm-aut», — piaje homielski reper.
Ź Siarohi jaŭna vyjšaŭ by dobry spartovy kamentatar.
8. IQ48 — «Himn bolelŝikov kłuba „Šachtior“ (Solihorsk)»
Pieramožcy «Basovišča-2003» zapisali pieśniu dla ŭładalnikaŭ Kubka Biełarusi — 2004. Pieśnia IQ48 była pryznanaja lepšaj na konkursie na lepšy himn, što abvieściŭ klub. Muzyki syhrali kampazycyju na ŭšanavańni ŭ Salihorsku. «Było šmat dziaciej sa ściažkami, patasu, nahadała stalinskija časy, ale było viesieła. Tady my pieršy i apošni raz hrali pad fanahramu», — uzhadvaje hitaryst IQ48 Jaŭhien Buzoŭski. Sami ŭdzielniki hurta — daŭnija amatary futbołu, namahajucca nie prapuskać nivodnaha surjoznaha matču pa telebačańni. Cikava, što
za atrymany ad «Šachciora» hanarar muzyki zapisali svoj debiutny albom «Varjaty».
«Šachcior» uvohule samy «muzyčny» kłub Biełarusi. Himny dla salihorskaj kamandy akramia IQ48 i Siarohi zapisvali taksama Jakaŭ Navumienka, hurt «J:mors» i salisty dziaržaŭnaha kancertnaha arkiestra Biełarusi Natalla Tamieła i Dźmitry Siarhiejeŭ.
7. Suzorje — «Vpieriod, „Dinamo“»
Pieśnia, napisanaja na chvali ejfaryi paśla pieramohi mienskaha «Dynama» ŭ čempijanacie SSSR u 1982 hodzie. «Toje nielha było ličyć niečym kańjukturnym, chutčej pieśnia była dušeŭnym pamknieńniem», — kaža adzin z stvaralnikaŭ hurta Andrej Fiłataŭ. Pieršy biełaruski futbolny himn napisaŭ pamierły ŭžo Valancin Pučynski, da pracy ŭ hurcie jon jakraz pracavaŭ u hałoŭnaj redakcyi spartovych prahram Biełaruskaha telebačańnia, tak što byŭ vialikim prychilnikam futbołu. Peŭny čas pieśnia hučała na stadyjonie «Dynama» pierad matčami kamandy Eduarda Małafiejeva, zaŭziatary z achvotaj padchoplivali niemudrahielisty prypieŭ: «Pusť budiet hoł, vpieriod, vpieriod, „Dinamo“!». Ale potym pieśnia niedzie zhubiłasia, i stužku ź jaje zapisam zachavać nie ŭdałosia. Ciapier udzielniki hurta navat dumajuć nad tym, kab zrabić jaje remiejk.
6. Lapis Trubiackoj — «Himn „Dinamo Minsk“»
Samy papularny biełaruski hurt na postsavieckaj prastory pa-svojmu adreahavaŭ na pieramohu mienskaha «Dynama» ŭ čempijanacie Biełarusi — 2004. Zapisali pieśniu na prośbu klubnaha kiraŭnictva i navat hrošaj ź ich nie ŭziali, jak śviedčyć pradusar kamandy Jaŭhien Kałmykoŭ. Jon jakraz i źjaŭlajecca daŭnim zaŭziataram «Dynama», tamu i ŭprasiŭ Siarhieja Michałka sačynić hetuju temu.
«Lapisy» syhrali pieśniu tolki adnojčy — na klubnym ušanavańni, ale «dynamaŭskija» prychilniki pieśniu dahetul pamiatajuć i lubiać.
5. Vinsent — «Napierad, Biełaruś»
Adzin ź pieršych zapisaŭ ciapierašniaha lidera biełaruskamoŭnaha repu. Vinsent kaža, što zapisaŭ «Napierad, Biełaruś», bo lubić futboł,
jamu karcieła niešta zrabić dla padtrymki biełaruskaj zbornaj.Praŭda jon daŭno ŭžo nie vykonvaje hety tvor, bo ličyć jaho nadta prymityŭnym. U adroźnieńni ad dziasiatkaŭ futbolnych fanaŭ, jakija pieśniu ŭpadabali. U zadumkach biełaruskaha repera zapisać «realna klasny futbolny himn».
4. Zatoczka — «Chulihany»
Adna z samych skandalnych piesieńu repertuary mahiloŭskich ska-pankaŭ. Za radok «Žry kakosy, žry banany, dy viartajsia ŭ Irany, albo źniščany ty budzieš tut futbolnym chulihanam», — na muzykaŭ navat źbiralisia zładzić palavańnie antyfašysty. Lider kamandy Maks Astravuchaŭ tady ledźvie sucišyŭ emocyi dy zaŭpeŭniŭ, što hurt nia dumaŭ raspalvać nacyjanalnuju varažnieču. «My piajem pra chulihanaŭ blizkaha i dalokaha zamiežža, jakija ładziać supolnuju viečarynu. My naohuł prapahandujem zdarovy ład žyćcia», — kaža Maks. Pieśnia «Chulihany» źjaŭlajecca biełaruskim kaveram na rasiejskich ska-pankaŭ — hurt «JajcY Fabieržie», horača lubimaha ŭ asiarodku tamtejšych futbolnych fenaŭ. U svoj dysk skandalny trek usio ž Maks vyrašyŭ nie ŭklučać. Zatoje napisaŭ jašče adnu pieśniu, jakaja tak i zaviecca «Pra futboł» z zaklikam «zaŭzieć za Biełaruś!».
3. Drum Esctasy — «Football Light»
Lidera kamandy Fiła Čmyra futboł dy i sport u pryncypie nie cikaviać ni kaliŭca, zatoje jaho Drum Esctasy — pačesny hość na adkryćci spartovych mierapryjemstvaŭ. Kampazycyja «Football Light» hučała na pakazalnich hulniaŭ NCHŁ u Maskvie (z vokličami «Chakiej!») i na adkryćci futbolnaha sezonu siarod junackich kamandaŭ u Biełarusi. «Zachaciełasia nadać muzyčnuju formu sacyjalnym rytmam i pieradać nastroj futbolnaha zaŭziatara», — tłumačyć muzykant. Jašče adzin tvor biełaruskich bubnačoŭ — «Śvistki» try hady hučaŭ ŭ reklamie čempijanatu Rasiei pa futbole.
2. Lavon Volski i Vieranika Kruhłova — «Ole-ole!»
Pieśnia z pretenzijaj na hałoŭny futbolny himn Biełarusibyła stvorana dla prajektu «Ja naradziŭsia tut», kudy ŭvajšli ŭ asnoŭnym pravieranyja časam ajčynnyja maršy i himny. Lavon Volski kaža, što zapieŭ «Ole-ole! Biełaruś žyvie!» nadta pasavaŭ da spartovaj stylistyki, tamu tvoru nadali vyhlad fanackaj kryčałki, choć sam śpiavak zusim daloka ad futbołu.
Cikava, što inšaja
pieśnia Volskaha «Try čarapachi» stała himnam biełaruskich zaŭziataraŭ, niahledziačy na toje, što ničoha supolnaha sa sportam nia maje.Jaje časta śpiavajuć, jak na matčach čempijanatu Biełarusi, tak i na sustrečach nacyjalnaj zbornaj Biełarusi. Zvyčajna prypieŭ «Ty nie čakaj, siurpryzaŭ nia budzie» pasuje pad kaniec hulni, kali prychodzić razumieńnie, što šancaŭ na pieramohu ŭžo nie zastajecca.
1. «BIEZ BILETA» feat. Aoo&ooA — «Afrika»
Z nahody čempijanatu śvietu ŭ PAR lepšaja rok-hrupa Biełarusi pa versii arhanizataraŭ cyrymonii «Rok-Karanacyja» adaptavała svoj letašni hit, zrabiŭšy «football remix». Adpaviedna byŭ pieraźniaty i klip (videa na aryhinał pryznanaje lepšym u 2009 hodzie pa viersii toj ža «Rok-Karanacyi»). Režyser Maks Siry ŭvolu pafantazavaŭ z nahody «futbolnaj» versii «Afriki».
«Pakul nie vychodzić pabačyć finał Biełaruś — Brazylija 5:0, tamu my, tvorčyja asoby, choć klipam možam ich prykłaści», — prakamentavaŭ vychad novaha varyjantu svajho tvoru lider hurta Vitalik Artyst.
Aŭdyjo i videa — na staroncy prajektu.
Kamientary