Tałaka ŭ Žłobaŭcach, radavym falvarku Łarysy Hienijuš — 26 červienia
Zaprašajem usich achvotnych u subotu 26 červienia ŭziać udzieł u dobraŭparadkavańni terytoryi falvarka Žłobaŭcy, dzie ŭ 1910 hodzie naradziłasia paetka Łarysa Hienijuš.
Mienavita adsiul u 1937 hodzie Pani Łarysa pierajechała razam z mužam Jankam Hienijušam u Prahu. Praź niekalki hod chata była pieravieziena svajakami ŭ Vaŭkavysk, i siońnia ad byłoha falvarka zastalisia tolki padmurki. Nahadajem, što ŭ žniŭni Biełaruś budzie adznačać 100‑hodździe z dnia naradžeńnia Łarysy Hienijuš.
Paetka časta naviedvała rodnyja Žłobaŭcy: «Błahasłavienny rodny dom, hdzie baćki i ŭsia darahaja siamja. Błahasłavienny maleńki kusočak rodnaj, baćkavaj ziamli na vializnaj płaniecie, jaki nazyvaŭsia Žłobaŭcy. Nazyvaŭsia, bo siańnia jaho niama, taho našaha falvaračka, i navat jaho nazovy. Tam kałhas ź niejkaj ultrasavieckaj nazovaj, dom pieraviezieny ŭ Vaŭkavysk, razam z humnom, a tam, hdzie była naša sialiba, staić tolki daŭhi muravany chleŭ i niekalki dreŭ, jakich jašče nie paśpieli vykarčavać na apał sialanie. Kali byvaju tam, dyk prašu: «Pakińcie jašče choć hetyja drevy…», — uzhadvała jana hetyja miaściny ŭ svajoj «Spoviedzi».
Pracu pačynajem u subotu 26 červienia ad 10‑j hadziny.
Pryjazdžajcie, biarycie z saboj siabroŭ, znajomych, dziaciej, budziem radyja vitać usich. Pryłady pracy, ryštunak i pačastunak zabiaśpiečvajem. Kali chto maje svaje, to taksama biarycie.
Jak dajechać: trasa Harodnia — Miensk, u Skidzieli paviarnuć na Vaŭkavysk (kali jechać z Vaŭkavyska to, naturalna, u bok Skidziela), dalej pavarot na viosku Repla, pryblizna praz 2 kiłamietry pa levym baku darohi ŭbačycie budynki fiermy. Na žal siońnia heta aryjentyr miesca, dzie koliś byŭ falvarak Mikłaševičaŭ, dzie naradziłasia Pani Łarysa.
Telefon dla kantaktaŭ (+375) 296 60 72 99
Mapa dajezdu
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary