Вар'яцтва на аўкцыёне: за мінскую падсобку змагаліся 173 чалавекі
Падсобныя памяшканні на вуліцы Русіянава выставілі на аўкцыён па вельмі нізкіх цэнах — 7600—7700 рублёў.
Першае з іх прададзена, прычым за яго разгарнулася сапраўдная барацьба. На лот плошчай 16 квадратных метраў прэтэндавалі адразу 173 удзельнікі, піша Onliner.by.
У выніку стартавая цана на 7600 рублёў павялічылася ў 15,2 раза і дасягнула 115 140 рублёў (амаль 40 тысяч даляраў)
Нягледзячы на тое што падсобнае памяшканне па сваіх памерах супастаўнае са звычайным жылым пакоем, а таксама мае ўласны санвузел, зрабіць з яго афіцыйную кватэру-студыю паводле закона не атрымаецца. Статус нежылога памяшкання застанецца за гэтымі квадратнымі метрамі назаўсёды.
Паводле ўмоў прадаўца, новы ўласнік абавязаны пачаць выкарыстоўваць аб'ект па любым дазволеным нежылым прызначэнні не пазней чым праз адзін год пасля дзяржаўнай рэгістрацыі права ўласнасці.
Тыя, хто не паспеў набыць першыя 16 «квадратаў», могуць паспрабаваць свае сілы ў таргах за іншыя падсобныя памяшканні. Неўзабаве адбудуцца аўкцыёны па продажы яшчэ двух аналагічных памяшканняў з базавым рамонтам і санвузламі (плошчай 16 і 16,2 кв. м) — таргі прызначаны на 28 і 30 ліпеня.
Улічваючы вялікі ажыятаж вакол першай здзелкі, ёсць усе падставы меркаваць, што сціплыя стартавыя цэны на астатнія лоты таксама могуць вырасці да шасцізначных сум.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары