MUS nie vyklučaje, što z utvareńniem Mytnaha sajuza vyraście narkatrafik
Ministerstva ŭnutranych spraŭ Biełarusi nie vyklučaje, što z utvareńniem Mytnaha sajuza cieraź jaho ŭnutranyja miežy ŭzraście narkatrafik. Pra heta zajaviŭ na pres‑kanfierencyi 22 červienia načalnik upraŭleńnia pa narkakantroli i supraćdziejańni handlu ludźmi MUS Alaksandr Haŭryłaŭ.
Pavodle jaho słoŭ, heta abumoŭlena palahčeńniem prachodžańnia tavaraŭ cieraz unutranyja miežy, i havorka najpierš idzie pra miažu Kazachstana z Rasijaj.
Pry hetym, jak adznačyŭ pradstaŭnik MUS, zmahacca z narkatrafikam zaklikany pravaachoŭnyja orhany troch dziaržaŭ. Taksama, pavodle jaho słoŭ, nieabchodna stavić pytańnie nie tolki ab supraćdziejańni niezakonnamu pieramiaščeńniu narkotykaŭ, ale i ab źniščeńni narkatyčnych pasievaŭ u Afhanistanie.
Siońnia, jak paviedamiŭ Alaksandr Haŭryłaŭ, z terytoryi Niderłandaŭ u Biełaruś pastupajuć marychuana, hašyš, MDMA, Polščy i krain Bałtyi — amfietamin, MDMA, Rasii — hierain, mietadon, amfietamin, Ukrainy — opium, makavaja sałomka, marychuana i prekursory. Što niepasredna da krainy pachodžańnia hetych narkotykaŭ, to biełaruskija ekśpierty heta pakul nie ŭstanaŭlivajuć, pakolki adsutničaje nieabchodnaje darahoje abstalavańnie. Tamu kanstatujecca tolki kraina, adkul jany niepasredna prybyli ŭ Biełaruś.
Jak paviedamiŭ hałoŭny narkołah Ministerstva achovy zdaroŭja Alaksiej Alaksandraŭ,
liderami pa spažyvańni narkotykaŭ u krainie siońnia źjaŭlajucca Minsk, šerah haradoŭ Homielskaj i Hrodzienskaj abłaściej, Salihorsk (Minskaja vobłaść).
Ciapier čytajuć
Łukašenka pra «vialikuju ździełku» z ZŠA: Heta nie tolki palitviaźni3
Kamientary