Microsoft paviedamiła pra maštabnuju kampaniju rasijskich chakieraŭ pa ŭzłomie vajfaj-sietak u hatelach pa ŭsim śviecie
Było raspaŭsiudžana niekalki varyjantaŭ škodnasnaha prahramnaha zabieśpiačeńnia, u tym liku paŭnavartasnyja trajany addalenaha dostupu.
Kampanija Microsoft zajaviła pra maštabnuju kibierataku z boku Storm-2945 — padhrupy chakierskaj hrupoŭki Midnight Blizzard (Nobelium) — z metaj manipulavańnia trafikam u sietkach haściničnaha siektara pa ŭsim śviecie, piša «Nastojaŝieje vriemia».
Kampanija pa ŭzłomie Wi-Fi-sietak u hatelach atrymała nazvu CaptiveCrunch. U jaje ramkach chakiery vykarystoŭvali mietad Adversary-in-the-Middle (AitM) — raznavidnaść ataki «čałaviek pasiaredzinie», — kab pieranakiroŭvać karystalnikaŭ praz padkantrolnuju im fišynhavuju infrastrukturu. Akramia taho, jany raspaŭsiudžvali škodnasnaje prahramnaje zabieśpiačeńnie pad vyhladam abnaŭleńniaŭ braŭziera abo apieracyjnaj sistemy ŭ adkaz na aŭtamatyčnyja zapyty na padklučeńnie, jakija adpraŭlajuć braŭziery karystalnikaŭ.
Pavodle danych kampanii, było raspaŭsiudžana niekalki varyjantaŭ škodnasnaha prahramnaha zabieśpiačeńnia, u tym liku paŭnavartasnyja trajany addalenaha dostupu (RAT) dla Windows, napisanyja na movie Golang.
Jany dazvalajuć złamyśnikam źbirać źviestki pra sistemu, fajły i danyja ab naciskańniach kłaviš, vykradać ulikovyja danyja i tokieny sieansaŭ, vieści aŭdyja– i videanazirańnie, adsočvać zdymnyja nośbity infarmacyi, a taksama atrymlivać addaleny dostup da zaražanych sistem.
U Microsoft adznačajuć, što Midnight Blizzard — heta rasijskaja chakierskaja hrupoŭka, jakuju ŭ ZŠA i Vialikabrytanii źviazvajuć sa Słužbaj źniešniaj raźviedki Rasii.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje9
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary