«Nivodny karabiel nie prachodzić praź jaho, kali tolki my sami hetaha nie zachočam».
Donald Tramp zajaviŭ, što paśla zaviaršeńnia vajny suprać Irana abvieścić Armuzski praliŭ, stratehična važny marski šlach, ruch pa jakim užo niekalki miesiacaŭ istotna ŭskładnieny praz vajennyja dziejańni, amierykanskaj terytoryjaj, paviedamlaje Reuters.
«Paśla taho, jak my zaviaršym razhrom Irana, jaki ciapier cierpić vielmi surjoznaje paražeńnie, davoli chutka ja abviašču Armuzski praliŭ terytoryjaj Złučanych Štataŭ. Pa sutnaści, tak jano i jość. My ažyćciaŭlajem błakadu. Nivodny karabiel nie prachodzić praź jaho, kali tolki my sami hetaha nie zachočam», — zajaviŭ jon.
Vydańnie adznačaje, što zastajecca niezrazumiełym, nakolki surjozna Tramp staviŭsia da svajho vykazvańnia i ci aznačała jano źmianieńnie aficyjnaha palityčnaha kursu.
Da hetaha pazicyja Vašynhtona adnosna pralivu, praź jaki da vajny prachodziła kala 20% suśvietnaha ekspartu nafty, praduhledžvała zabieśpiačeńnie svabody sudnachodstva, zachavańnie mižnarodnaha marskoha prava i strymlivańnie Irana z dapamohaj ekanamičnaj błakady i kropkavych udaraŭ.
Raniej Tramp u adkaz na patrabavańnie Irana kampiensavać straty, naniesienyja za apošnija piać miesiacaŭ vajennaha kanfliktu, zajaviŭ, što taksama patrabuje ad Irana kampiensacyi.
Jon zapeŭniŭ, što padčas pieramovaŭ z pradstaŭnikami Irana ŭmovy kampiensacyj nie abmiarkoŭvalisia.
Ciapier čytajuć
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary