Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
Siońnia ŭ Minsku adbyvałasia raźvitańnie sa słavutym trenieram pa frystajle Mikałajem Kaziekam, jaki pamior 11 žniŭnia. Ale ŭłady zrabili ŭsio, kab hetaja sumnaja padzieja prajšła jak maha bolš nieprykmietna.
U sacsietkach źjavilisia paviedamleńni, što na pachavańni Kazieki amal nie było rabotnikaŭ Centra alimpijskaj padrychtoŭki pa frystajle, dzie trenier pracavaŭ da samaha svajho zvalnieńnia i dziakujučy namahańniam jakoha hety centr zdabyŭ suśvietnuju słavu. Heta nie vypadkova, bo ludziam prosta zabaranili iści na raźvitańnie, pahražajučy zvalnieńniem.
Mikałaj Kazieka byŭ adnym z najbolš viadomych i zasłužanych trenieraŭ pa frystajle nie tolki ŭ Biełarusi, ale i va ŭsim śviecie. Jahonyja vučni zavajavali vosiem alimpijskich miedaloŭ, u tym liku čatyry załatyja. Ale ŭ historyju jon uvajšoŭ nie tolki praz heta, ale i praz svaju hramadzianskuju pazicyju.
18 žniŭnia 2020 hoda Mikałaj Kazieka razam ź inšymi pradstaŭnikami biełaruskaj spartyŭnaj śfiery padpisaŭ adkryty list, u jakim vykazvałasia patrabavańnie pryznać niesapraŭdnymi prezidenckija vybary ŭ Biełarusi. Paśla hetaha ŭ jaho zabrali prezidenckuju stypiendyju, a taksama pierastali zaprašać na zbory nacyjanalnaj kamandy.
Nieŭzabavie trenier byŭ całkam adchileny ad pracy ŭ kamandzie. I paśladoŭna dy metanakiravana režym Łukašenki jamu pomścić navat paśla śmierci: dziaržaŭnyja infarmacyjnyja resursy i padparadkavanyja ŭładam spartyŭnyja arhanizacyi jaho adychod z žyćcia prosta praihnaravali, nibyta takoha čałavieka ŭ biełaruskim sporcie ŭvohule nikoli nie było.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy23
Kamientary