Nabokaŭ ci japonskaja moda? Nazva dziciačych kałhotak ad Conte vyklikała skandał u sacsietkach
Dziciačyja kałhotki ad biełaruskaj fabryki Conte stali pradmietam burnaha abmierkavańnia ŭ sacyjalnaj sietcy Threads. Dyskusiju padniała karystalnica pa imieni Ališa, zaŭvažyła vydańnie Blizko.by.
Pytańni vyklikali nie jakaść ci cana vyrabu, a nazva. Kałhotki nazvali Lolita, što nahadała žančynie hierainiu z adnajmiennaha skandalnaha tvora Uładzimira Nabokava.
«Dziciačyja kałhotki z pančošnym viercham (da samoj madeli pytańniaŭ niama, kali što) nazyvać «Łalita» dla mianie — heta dziŭna. I tak, vobraz nabokaŭskaj Łality mienavita taki — tufliki, tonkija kałhotki…» — napisała aŭtarka.
U kamientarach mierkavańni padzialilisia. Niekatoryja ludzi pahadzilisia z tym, što takaja nazva dla dziciačaha pradmieta adzieńnia nieetyčnaja, adnak byli i tyja, chto kazaŭ nie zavostrać na hetym uvahu, bo Łalita — zvyčajnaje žanočaje imia, i markietołahi naŭrad ci zakładali ŭ jaho niejki asablivy padtekst.
Da taho ž nazva spakojna mahła apielavać da adnajmiennaha vuličnaha stylu ŭ Japonii, zasnavanaha na estetycy viktaryjanskaj epochi i stylu rakako. Vobraz stvarajecca vakoł ścipłych, pyšnych sukienak abo spadnic da kaleniaŭ z padspadničnikami, aborkami, karunkami i rukavami-bufami, jakija nahadvajuć staradaŭnija farforavyja lalki.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1111
Kamientary