Karšerynh Hello u Minsku papoŭniŭ park jašče adnym retraaŭtamabilem. Ciapier karystalnikam dastupny IŽ-412 «Maskvič» — arandavać savieckuju kłasiku možna niepasredna praz dadatak, piša Onliner.by.
Aŭtamabil abstalavany miechaničnaj karobkaj pieradač, ruchavikom UZAM i zadnim pryvadam. U kampanii taksama źviartajuć uvahu na zachavany paznavalny dyzajn z chramavanymi elemientami, prastorny sałon i jomisty bahažnik.
Dla arendy «Maskviča» kiroŭcu pavinna być nie mienš za 25 hadoŭ, a jaho kiroŭčy staž pavinien składać nie mienš za dva hady. Košt pajezdki pačynajecca ad 0,89 rubla za chvilinu. Znajści aŭtamabil u dadatku možna praz adpaviedny filtr, kali ŭ hety momant mašyna nie zaniataja inšym karystalnikam.
Jość i važnaje abmiežavańnie: retraaŭtamabil vyrašyli vypuskać na darohi tolki ŭ ciopłuju paru hoda. Takim čynam, IŽ-412 budzie dastupny dla arendy vyklučna ŭ letni pieryjad.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy10
Kamientary
(žadajučych prakacicca)