Viasielny šar pieralacieŭ 900 km ź Bierlina da miažy ź Biełaruśsiu
Na papiery pa-niamiecku było napisana «Vinšujem ź viasiellem», a taksama prośba da taho, chto znojdzie šar, paviedamić miesca znachodki.
Maleńki čyrvony šar, zapuščany na viasielli ŭ Bierlinie, zaviaršyŭ svajo padarožža bolš čym za 900 kiłamietraŭ na ŭschod — u Biełaviežskaj puščy, na miažy Polščy ź Biełaruśsiu. Pra heta paviedamili ŭ piatnicu polskija lasnyja słužby, paviedamlaje AFP.
Šar, jaki začapiŭsia za halinu dreva, zaŭvažyŭ laśnik padčas zvyčajnaha abchodu. Da viaroŭki šara była prymacavana nievialikaja, staranna zahornutaja papierka.
«Maleńki kavałak papiery, dobra zahornuty, byŭ pryviazany da viaroŭki šara», — napisali ŭ lasnym rajonie Broŭsk na svajoj staroncy ŭ Facebook, dzie apublikavali fota znachodki.
Na papiery pa-niamiecku było napisana «Alles Gute zur Hochzeit» (Vinšujem ź viasiellem), a taksama prośba da taho, chto znojdzie šar, paviedamić miesca znachodki. Vyśvietliłasia, što šar zapuścili hości na viasielli ŭ stalicy Hiermanii.
«Paryvy vietru panieśli jaho na ŭschod. Jon pieralacieŭ amal 900 kiłamietraŭ, pierasiek miažu i pryziamliŭsia ŭ sercy našaj puščy, biaśpiečna ŭładkavaŭšysia na halinie», — napisali leśniki, jakija adpravili šar pa paznačanym adrasie.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy23
Kamientary
Pričina: Šar pieriesiek vozdušnoje prostranstvo Biełarusi. Vojennyj viertolet otkrył ohoń po aerostatu, priniav jeho za nieopoznannyj objekt. Obołočka zahoriełaś, i šar upał v lesu."