Na pasiadžeńni rabočaj hrupy pa pytańniach utrymańnia i dobraŭparadkavańnia terytoryi Minska abmierkavali, jak źmieniacca minskija plažy, pišuć Minsk-Naviny.
«Dziciačyja kupalni z płastykavych modulnych pantonaŭ ustalavany na plažach №№ 2, 5, 8, 9 vadaschovišča Drazdy, №4 vadaschovišča Krynica, №№ 2, 3 Cnianskaha i №6 Zasłaŭskaha vadaschoviščaŭ. Na plažach №№ 2, 5 Zasłaŭskaha vadaschovišča i №6 na Kamsamolskim voziery ŭstanoŭleny papłaŭkovyja aharodžy. U najbližejšy čas takija aharodžy źjaviacca i na astatnich 11 plažach», — raskazaŭ staršynia Minskaj haradskoj arhanizacyi Tavarystva vyratavańnia na vodach Dźmitryj Matiuška.
Pry hetym vyrašana zrabić akcent mienavita na stacyjanarnych dziciačych kupalniach: varta razhledzieć mahčymaść ich ustalavańnia da nastupnaha siezona na ŭsich biez vyklučeńnia plažach, skazaŭ namieśnik staršyni Minharvykankama Aleh Korzun kiraŭnikam rajonnych administracyj i adpaviednych słužbaŭ.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy13
Kamientary