Žychara Homiela pazbavili vypłat za syna, jaki zahinuŭ na froncie
59‑hadovy ŭradženiec Ukrainy Eduard Hurenka nie ŭ svoj čas kinuŭ siamju. Ciapier byłaja žonka zabrała ŭsie hrabavyja na Dzianisa sabie.
Sud u Nižnim Noŭharadzie pazbaviŭ žychara Biełarusi Eduarda Hurenku prava na dziaržaŭnyja vypłaty za zahinułaha syna Dzianisa. U sud padavała Luboŭ Hurenka — jaho byłaja žonka i maci Dzianisa.
59‑hadovy Eduard Hurenka naradziŭsia va Ukrainie, doŭhi čas pražyŭ u Rasii, ale ŭrešcie asieŭ u Homieli. Zajmajecca biznesam, haduje sabak.
Siamju jon kinuŭ užo daŭno, udziełu ŭ vychavańni syna nie prymaŭ, alimienty nie płaciŭ. U sudzie vyśvietliłasia, što kali Dzianis vyras, to jany časam pierapisvalisia ŭ sacsietkach, a adnojčy syn pryjazdžaŭ da baćki ŭ hości ŭ Homiel. Ale suviaź pryznali nie nastolki surjoznaj, kab płacić za heta dziasiatki tysiač hrabavych.
A sudzilisia Eduard i Luboŭ za niemałyja hrošy — za śmierć syna na vajnie Rasija zapłaciła $123 tysiačy.
35‑hadovy Dzianis Hurenka zahinuŭ u vieraśni 2025 hoda.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?2
Kamientary