U Kupałaŭskim teatry rasijskija režysiory praviaduć tvorčuju łabaratoryju, u jakoj abiaruć śpiektakl dla repiertuaru
«Heta elemient ekśpierymientalnaha pračytańnia, novy podych».
U Nacyjanalnym akademičnym teatry imia Janki Kupały pačaŭsia tvorčy prajekt «Kupała. Łabaratoryja», piša Biełta. Na praciahu tydnia artysty teatra razam z tryma rasijskimi režysiorami stvorać try eskizy śpiektaklaŭ.
30 žniŭnia ich pakažuć hledačam, jakija, jak abiacajuć, zmohuć vybrać upadabany eskiz dla dalejšaha ŭklučeńnia ŭ repiertuar teatra.
Prajekt startavaŭ 24 žniŭnia. Pra jaho žurnalistam raspavioŭ hienieralny dyrektar Kupałaŭskaha teatra Alaksandr Šastakoŭ.
«My zaprašajem majstroŭ svajoj spravy, i važna, kab, akramia našych režysioraŭ, było inšaje bačańnie biełaruskaj dramaturhii. Heta elemient ekśpierymientalnaha pračytańnia, novy podych, jaki dazvalaje navat našym artystam pa-inšamu pahladzieć na ŭsim znajomy materyjał», — skazaŭ Šastakoŭ.
Kiruje łabaratoryjaj rasijski teatralny krytyk Alaksandr Visłaŭ. Jon kaža, što ŭ Rasii taki farmat łabaratoryi šyroka raspaŭsiudžany, ale dla Kupałaŭskaha teatra heta pieršy padobny ekśpierymient.
«My praviali vialiki adbor režysioraŭ razam z mastackim kiraŭnikom teatra. Vybrali troch jarkich majstroŭ, jakija ŭmiejuć znachodzić padychod da artystaŭ i raskryvać ich patencyjał», — skazaŭ jon.
Eskizy śpiektaklaŭ buduć stvarać z dekaracyjami i kaściumami Kupałaŭskaha teatra, a roli buduć vykonvać jahonyja artysty.
Usie try eskizy pakažuć na biełaruskaj movie.
Rasijski režysior Andrej Šlapin vybraŭ dla pastanoŭki pjesu Mikałaja Matukoŭskaha «Mudramier».
«Pakul nieviadoma, što atrymajecca ŭ vyniku. Na moj pohlad, tvor dakładna traplaje ŭ aktualnuju temu pošuku adkazu na pytańnie «chto ja?». Sapraŭdy nieabchodna pieryjadyčna zadavać sabie hetaje pytańnie. Heta viečnaja tema znachodžańnia čałavieka ŭ prastory i sacyjalnych płastach», — skazaŭ Šlapin.
Rasijskaja režysiorka Maryja Ramanava pracuje z pjesaj Janki Kupały «Raskidanaje hniazdo».
Pavodle Ramanavaj, praca ź biełaruskim materyjałam maje i asabistaje značeńnie: jaje babula była rodam z Rahačova.
«Padarožža ŭ Biełaruś akazałasia nadzvyčaj značnym dla mianie, bo maja babula rodam z Rahačova. Intuityŭna ja vybrała dla pastanoŭki tvor Janki Kupały, i ŭ pracesie jaho pračytańnia jon mianie mocna začapiŭ. Pjesa ciažkaja, ale vielmi paetyčnaja. Mnie važna znajści ekvivalent trahičnaści, kab pieravieści jaje na bolš duchoŭny ŭzrovień, jaki tyčycca pytańnia pryniaćcia takoha losu. Ja imknusia znajści ŭ hetym pryhažość», — skazała režysiorka.
Treciuju pastanoŭku — pavodle pjesy Franciška Alachnoviča «Čort i baba» — rychtuje zasłužany artyst Rasii Alaksandr Aharoŭ.
Jon pryznaŭsia, što raniej nie viedaŭ Franciška Alachnoviča.
«Raniej ja nie viedaŭ hetaha dramaturha, i mianie ŭraziŭ jaho trahičny los. Mnie padałosia, što «Čort i baba» — heta nie prosta niejkaja «zabaŭnaja štučka». U tvory jość razmova pra sapraŭdnaje, jakoje datyčyć usich nas», — raspavioŭ Aharoŭ.
30 žniŭnia hledačy ŭbačać usie try eskizy i, pavodle kiraŭnictva teatra, zmohuć vybrać eskiz, jaki ŭ dalejšym moža ŭvajści ŭ repiertuar Kupałaŭskaha teatra.
U teatry nazyvajuć heta nazyvajuć mahčymaściu pa-inšamu pahladzieć na znajomy biełaruski materyjał.
Nahadajem, paśla razhromu staroj kupałaŭskaj trupy ŭ 2020‑m u teatr zaprašajuć rasijskija kadry — jak akcioraŭ, tak i režysioraŭ, jakija nie viedajuć ni biełaruskaj kultury, ni biełaruskaj movy. A źvierchu nad imi pastavili administracyjna-siłavy kantrol.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki31
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1717
Kamientary