28—30 červienia ŭpraŭleńnie Dziaržaŭtainśpiekcyi MUS Biełarusi pravodzić ahulnarespublikanskuju akcyju »DAI papiaredžvaje pa‑dobramu!».
Jak paviedamili va UDAI MUS, akcyja skiravana na źnižeńnie avaryjnaści, traŭmatyzmu na darohach, papiaredžańnie dziciačaha transpartnaha traŭmatyzmu, a taksama papiaredžańnie parušeńniaŭ praviłaŭ darožnaha ruchu, jakija čaściej za ŭsio stanoviacca pryčynam DTZ. Heta: parušeńnie kiroŭcami praviłaŭ prajezdu piešachodnych pierachodaŭ; parušeńnie praviłaŭ prajezdu skryžavańniaŭ; pierachod piešachodami prajeznaj častki ŭ nieŭstanoŭlenym miescy; parušeńnie PDR vadzicielami maršrutnych transpartnych srodkaŭ; parušeńnie kiroŭcami chutkasnych režymaŭ ruchu.
Pavodle słoŭ surazmoŭcy ahienctva, vadzicieli, jakija vykonvajuć PDR, padčas akcyi »buduć atrymlivać pryjemnyja padarunki ad inśpiektaraŭ».
Za troje minułych sutak na darohach krainy zarehistravany 74 DTZ z paciarpiełymi, u jakich 15 čałaviek zahinuli, u tym liku dzicia, i 85 (4) — atrymali traŭmy. Śmiarotnyja zychody DTZ byli źviazany z najezdam na piešachodaŭ, viełasipiedystaŭ i pieraškodami, łabavym sutyknieńniem i pierakulvańniem.
Uviečary 25 červienia ŭ vioscy Aziaryckaja Słabada Smalavickaha rajona 25‑hadovy mužčyna, kirujučy «Miersiedesam», učyniŭ najezd na dziaŭčynku 2006 hoda naradžeńnia ź Minska, jakaja pierabiahała prajeznuju častku pa‑za piešachodnym pierachodam.
Ad atrymanych traŭm dzicia pamierła.
Kamientary