«XXI stahodździe, dzirka ŭ padłozie». Biełarusku aburyŭ stan prybiralni na aŭtavakzale adnaho z rajcentraŭ
U sacyjalnaj sietcy Threads biełaruska apublikavała videa z hramadskaha tualeta na aŭtavakzale ŭ Jelsku i źviarnuła ŭvahu na jaho stan. Pavodle jaje słoŭ, padobny sanvuzieł u rajcentry isnuje ŭžo nie adno dziesiacihodździe, piša BG.Media.
Aŭtarka videa adznačyła, što ludzi byli vymušanyja karystacca takoj prybiralniaj jašče jak minimum 40 hadoŭ tamu, ale ničoha nie źmianiłasia i ciapier. Navat zimoj pasažyram davodzicca naviedvać prybiralniu z adtulinaj u padłozie. Žančyna zaklikała raspaŭsiudžvać publikacyju, kab pryciahnuć uvahu miascovych uładaŭ da prablemy.
Videa vyklikała niehatyŭnuju reakcyju karystalnikaŭ sacyjalnaj sietki. Mnohija ŭzhadali padobnyja hramadskija tualety ŭ inšych biełaruskich haradach. Adzin z kamientataraŭ zaŭvažyŭ, što stan hramadskich prybiralniaŭ pakazvaje ŭzrovień raźvićcia cyvilizacyi ŭ krainie.
Adna biełaruska apublikavała kadry padobnaj prybiralni na vakzale ŭ Połacku. Jana padkreśliła, što havorka idzie nie pra zakinuty abjekt, a pra aŭtavakzał u rajcentry, jakim karystajucca pasažyry.
Inšaja karystalnica paraŭnała ŭbačanaje z prybiralniaj u pijanierskim łahiery «Lasnaja kazka» ŭ Ždanovičach, dzie, pavodle jaje słoŭ, jašče i vykarystoŭvajuć šmat chłorki.
Niekatoryja ŭzhadali padobnuju situacyju na čyhunačnaj stancyi Biełaruś u Zasłaŭi. Adzin z kamientataraŭ napisaŭ, što tamtejšaja prybiralnia takaja ž, choć u horadzie da śviata «Dažynki» abnavili darohi i tratuary, a taksama ŭstalavali pomniki i skulptury. Inšy karystalnik iranična zaŭvažyŭ, što ŭ budynkach administracyj, sudoŭ i prakuratury prybiralni, napeŭna, značna kamfortniejšyja.
Niekatoryja kamientatary žartavali, prapanujučy ładzić ekskursii ŭ styli «Nazad u SSSR» abo raili lepš schadzić u kusty, čym karystacca takim tualetam.
Adnak byli i tyja, chto ličyŭ, što ŭ inšych miescach prybiralni vyhladajuć jašče horš. U jakaści prykładu zhadvali tualet kala mohiłak u minskaj Čyžoŭcy i sanvuzieł u minskim narkałahičnym dyspansiery na vulicy Vaŭpšasava.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś24
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy88
Kamientary