Pamierła prahramistka, jakaja ŭ svoj čas uratavała amierykanskuju ekśpiedycyju na Miesiac
U Kiembrydžy va ŭzroście 90 hadoŭ pamierła amierykanskaja prahramistka Marharet Hamiltan, jakaja razam sa svajoj kamandaj raspracavała prahramnaje zabieśpiačeńnie dla piłatavanych misij «Apałon». Jaje kod dapamoh praduchilić zryŭ histaryčnaj vysadki na Miesiac u 1969 hodzie, piša Bild.
20 lipienia 1969 hoda, kali astranaŭty Nił Armstranh i Baz Ołdryn źnižalisia na miesiačnym moduli «Ihł» da pavierchni Miesiaca, bartavy kampjutar niečakana pačaŭ padavać sihnały tryvohi z kodami 1201 i 1202. Sistema była pierahružanaja, i ŭźnikła pahroza, što pasadku daviadziecca sarvać.
Adnak prahrama, raspracavanaja kamandaj Hamiltan, umieła rasstaŭlać pryjarytety: jana adklučała druharadnyja zadačy i praciahvała vykonvać najbolš važnyja apieracyi. Dziakujučy hetamu kampjutar spraviŭsia ź pierahruzkaj, a centr kiravańnia palotami dazvoliŭ praciahnuć pasadku.
Hamiltan kiravała raspracoŭkaj bartavoha prahramnaha zabieśpiačeńnia ŭ Masačusieckim technałahičnym instytucie. Nad prahramami dla misij «Apałon» pracavali bolš za 400 čałaviek. U 1960‑ia hady prahramavańnie zastavałasia pieravažna mužčynskaj śfieraj, ale Hamiltan stała adnoj z klučavych fihur prajekta.
U 2016 hodzie prezident ZŠA Barak Abama ŭznaharodziŭ jaje Prezidenckim miedalom Svabody — najvyšejšaj cyvilnaj uznaharodaj krainy.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary