«Zachodnija libierały zavieźli treci śviet u Francyju». Vens abvinavaciŭ mihrantaŭ u biesparadkach
Vice-prezident ZŠA Džej Dzi Vens zajaviŭ, što pryčynaj hvałtu padčas pratestaŭ u Francyi stała mihracyjnaja palityka jeŭrapiejskich uładaŭ. Tak jon prakamientavaŭ u sacsietcy X videa pažaru ŭ budynku meryi Limoža.
«Zachodnija libierały zavieźli ŭ Francyju i inšyja krainy vychadcaŭ z krain treciaha śvietu pad łozunhami raznastajnaści i spahady. Jany praihnaravali fundamientalnyja pytańni asimilacyi i sumiaščalnaści. Ich papiaredžvali, što heta da takoha pryviadzie, ale jany nie słuchali», — napisaŭ Vens.
Jon taksama vykarystaŭ padziei ŭ Francyi dla krytyki amierykanskich demakrataŭ napiaredadni pramiežkavych vybaraŭ u Kanhres, jakija projduć 3 listapada.
«Ja spadziajusia, što amierykancy źviartajuć na heta ŭvahu. Mienavita takuju budučyniu demakraty ŭ Kanhresie chočuć dla vašaj krainy», — zajaviŭ vice-prezident.
U Francyi prachodziać masavyja pratesty suprać rostu koštu žyćcia i prablem u sistemie adukacyi. U šerahu haradoŭ adbylisia sutyknieńni z palicyjaj, padpały i rabavańni kram. U Limožy pratestoŭcy padpalili ratušu XIX stahodździa.
Pavodle francuzskich uładaŭ, zatrymali kala 1200 čałaviek, paciarpieli kala 150 palicejskich.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary