Prezident ZŠA apublikavaŭ u Truth Social vialiki dopis pra apošnija padziei ŭ adnosinach z Ukrainaj i Rasijaj, u jakim znoŭ vystupiŭ z napadkami na ŭkrainskaha prezidenta Uładzimira Zialenskaha.
«Majo rašeńnie nakont Rasii vielmi prostaje. Ja ciapier viadu pieramovy, kab znajści mirnaje rašeńnie kanfliktu pamiž Rasijaj i Ukrainaj, i nie chaču rabić ničoha, što pa-durnomu adšturchnie Rasiju ad udziełu ŭ pieramovach», — zajaviŭ Tramp.
Prezident ZŠA śćviardžaje, što dasiahnuty značny prahres», u tym liku ŭ ciapierašnich pieramovach ab abmienie zakładnikami. Pavodle jaho słoŭ, ciapier Rasija amal ničoha nie robić, kab dapamahčy Iranu: «I ja chacieŭ by, kab tak zastavałasia i nadalej, i ja hetaha damahusia, kali tolki mnie nie buduć pieraškadžać durnyja ludzi», piša Bi-bi-si.
Tramp praciahvaje śćviardžać, što ŭkrainskija ŭdary pa rasijskich naftapierapracoŭčych zavodach padšturchoŭvajuć suśvietnyja ceny na dyzielnaje paliva ŭvierch, a razam ź imi rastuć i ceny na paliva ŭ ZŠA. Jon padkreślivaje, što, niahledziačy na ŭkrainskija ŭdary, Rasija pastaŭlaje na suśvietnyja rynki miljony ton dyzielnaha paliva.
«Zialenskamu da hetaha niama spravy», — śćviardžaje prezident ZŠA, stasunki jakoha z ukrainskim lidaram rezka abvastrylisia ŭ apošnija dni paśla prypynieńnia sankcyj u dačynieńni da rasijskaha dyzielnaha paliva.
Nahadaŭšy, što Jeŭropa vydzialaje Ukrainie «vielizarnyja sumy», a taksama zhadaŭšy finansavuju dapamohu z boku prezidenta ZŠA Džo Bajdena, Tramp pryjšoŭ da vysnovy: «Jon [Zialenski] nie choča zakančvać hetuju vajnu — i, vierahodna, nikoli nie chacieŭ».
«Dva hady tamu jon moh by zaklučyć značna bolš vyhadnuju ździełku, čym ciapier. Jaho kraina razburana, značnaja častka terytoryj stračana, vychad da moraŭ i akijanaŭ stračany, a mužčynskaje nasielnictva albo istotna skaraciłasia, albo atrymała ciažkija ranieńni, albo zahinuła. Ja CHAČU, KAB HETAJA VAJNA SKONČYŁASIA!» — napisaŭ Tramp.
U niadzielu ŭ efiry telekampanii NBC Zialenski zajaviŭ, što apošnija dziejańni ZŠA — rašeńnie dazvolić impart rasijskaha dyzielnaha paliva i prypynieńnie dziejańnia zakona ab uzmacnieńni sankcyj — naniasuć škodu Ukrainie.
«Kali Złučanyja Štaty aficyjna stanuć na bok Rasii — kali hetyja dźvie krainy buduć dziejničać razam, — to, viadoma, my nie pieramožam i nie zmožam vystajać», — skazaŭ prezident Ukrainy.
U niadzielu prezident ZŠA Donald Tramp patłumačyŭ svaje dziejańni ŭ dačynieńni da Maskvy tym, što nie choča adšturchnuć Rasiju ad stała pieramoŭ.
U kastryčniku prezident ZŠA prypyniŭ sankcyi ŭ dačynieńni da rasijskaha dyzielnaha paliva i pastaviŭ na paŭzu razhlad zakona Lindsi Hrema ab uviadzieńni novych žorstkich sankcyj. Heta vyklikała krytyku na jaho adras, u tym liku z boku Uładzimira Zialenskaha.
U intervju NBC u niadzielu Zialenski vykazaŭ nadzieju, što Tramp pierahledzić svaje rašeńni. «Ja liču, što ŭsio heta pamyłki, jakija nie dapamohuć ni nam, ni samim ZŠA», — skazaŭ prezident Ukrainy.
«Majo rašeńnie nakont Rasii vielmi prostaje. Ja ciapier viadu pieramovy ab miry ŭ kanflikcie pamiž Rasijaj i Ukrainaj i nie chaču rabić ničoha, što mahło b pa-durnomu adšturchnuć Rasiju ad stała pieramoŭ», — adkazaŭ Tramp na krytyku ŭ vialikim dopisie ŭ Truth Social.
Pavodle jaho słoŭ, jość «značny prahres», u tym liku ŭ «ciapierašnich pieramovach ab vyzvaleńni zakładnikaŭ», a Rasija «robić vielmi mała, kali naohuł niešta robić», kab dapamahčy Iranu. A Zialenski «vykarystoŭvaje» rasijskija naftapierapracoŭčyja zavody ŭ jakaści mišeniaŭ, «viedajučy, što hetyja ataki nanosiać surjoznuju škodu suśvietnym rynkam dyzielnaha paliva, u tym liku rynku ZŠA».
«Zialenskamu da hetaha niama spravy, — praciahnuŭ Tramp. — Jon nie choča zakančvać hetuju vajnu i, vierahodna, nikoli nie chacieŭ. Dva hady tamu jon moh by zaklučyć bolš vyhadnuju ździełku, čym ciapier».
U toj ža čas Zialenski ŭ efiry NBC paviedamiŭ, što ZŠA «razbłakavali» pieradaču raźviedvalnaj infarmacyi Kijevu: «My vielmi ŭdziačnyja za heta, ciapier usio pracuje».
Niekalki dzion tamu Tramp kazaŭ, što Vašynhton praciahvaje dzialicca raźviedvalnaj infarmacyjaj. Jana nieabchodnaja Ukrainie, kab svoječasova atrymlivać papiaredžańni ab udarach balistyčnymi rakietami. Raniej Zialenski śćviardžaŭ, što takija papiaredžańni pierastali pastupać adnačasova z zapavoleńniem pracy Starlink.
Ukraina atrymlivaje ad ZŠA dapamohu, niedastupnuju Rasii, zajaviŭ u intervju NBC ministr finansaŭ Skot Biesent. U jakaści prykładu jon pryvioŭ abmien raźviedvalnaj infarmacyjaj, a taksama pastaŭki amierykanskaj zbroi inšym krainam, jakija paśla pieradajuć jaje Ukrainie.
Vystupajučy ŭ prahramie Meet the Press adrazu paśla pakazu intervju ź Zialenskim, Biesent paraiŭ prezidentu Ukrainy być vielmi aściarožnym z zajavami ab skaračeńni padtrymki z boku ZŠA.
Pry hetym jon nie daŭ pramoha adkazu na pytańnie, ci ličyć Vašynhton Kijeŭ svaim sajuźnikam.
«Siońnia ranicaj Zialenski prapanavaŭ iłžyvuju dylemu, śćviardžajučy, što Ukraina abaviazkova pavinna pieramahčy, — cytuje Biesenta Reuters. — Vajna pavinna skončycca, i heta adbudziecca šlacham dasiahnieńnia peŭnaha pahadnieńnia ŭ chodzie pieramovaŭ».
U svaim dopisie Tramp nie zhadaŭ pra masiravanuju ataku Ukrainy na Sankt-Pieciarburh i Leninhradskuju vobłaść u noč na subotu. Jaje metami stali centr apracoŭki danych kampanii VK i Pieciarburhski paliŭny terminał.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary