Pucin prapanavaŭ pravieści samit z Trampam i Si dla abmierkavańnia vajny va Ukrainie
Tramp nie davaŭ pakul zhody, ale moža pastavicca pazityŭna da idei.
Kiraŭnik Rasii Uładzimir Pucin prapanavaŭ u nastupnym miesiacy pravieści trochbakovy samit z prezidentam ZŠA Donaldam Trampam i lidaram Kitaja Si Dzińpinam, kab damovicca ab spynieńni vajny va Ukrainie na ŭmovach, vyhadnych dla Maskvy. Pra heta piša The Wall Street Journal sa spasyłkaj na svaje krynicy.
Jak paviedamiŭ były supracoŭnik rasijskaj raźviedki, Pucin vysunuŭ hetuju ideju padčas telefonnaj razmovy z Trampam 9 kastryčnika, kali była dasiahnutaja damoŭlenaść ab zakupcy ZŠA rasijskaha dyzielnaha paliva i sadziejničańni jaho prodažu na suśvietnym rynku.
Pres-sakratar Kramla Dźmitryj Piaskoŭ taksama paćvierdziŭ, što viaducca pieramovy ab mahčymaj sustrečy.
«Pakul niama vyraznaha razumieńnia adnosna samoj sustrečy ci jaje patencyjnaha paradku dnia, choć usie try baki pryznajuć hipatetyčnuju mahčymaść praviadzieńnia takoj sustrečy», — skazaŭ jon The Wall Street Journal.
Vysokapastaŭleny amierykanski čynoŭnik zajaviŭ, što Tramp nie davaŭ zhody na taki samit. Adnak, pavodle słoŭ čynoŭnika, prezident moža stanoŭča pastavicca da hetaj idei z ulikam jaho imknieńnia vykanać pieradvybarčaje abiacańnie ŭrehulavać vajnu.
Kreml prapanavaŭ pravieści trochbakovyja pieramovy na palach budučaha samitu Azijacka-Cichaakijanskaha ekanamičnaha supracoŭnictva, jaki adbudziecca 18 i 19 listapada ŭ Šeńčženie, Kitaj.
Jak adznačaje WSJ, patencyjnyja trochbakovyja pieramovy na kitajskaj ziamli stanuć značnym krokam dla Si ŭ jaho namahańniach uzmacnić rolu Kitaja jak upłyvovaha dypłamatyčnaha pasiarednika.
Ciapier čytajuć
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda3
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary