Dalivajecie vadu ŭ šampuń, kali jon zakančvajecca? Chimik tłumačyć, čamu tak rabić nie varta
Kali šampuniu ŭ butelcy zastajecca zusim mała, mnohija dalivajuć tudy vady, kab vykarystać reštki. Zdajecca, što heta dobry sposab zekanomić. Adnak takaja zvyčka moža mieć niepryjemnyja nastupstvy.
Razbaŭleńnie šampuniu vadoj źmianiaje jaho skład i moža stvaryć spryjalnyja ŭmovy dla razmnažeńnia bakteryj i hrybkoŭ. Pra heta papiaredžvaje inžynier-chimik Dyjeha Fiernandes, piša ispanskaje vydańnie Ultima Hora.
Reč u tym, što šampuń źmiaščaje roznyja kampanienty ŭ stroha vyznačanych praporcyjach. Kali dalić vady, ich kancentracyja źmienšycca, a značyć, srodak moža horš ačyščać vałasy i skuru hałavy.
Ale hałoŭnaja prablema navat nie ŭ hetym. U skład šampuniaŭ uvachodziać kansiervanty, jakija pieraškadžajuć razmnažeńniu mikraarhanizmaŭ. Kali razbavić srodak vadoj, kancentracyja hetych rečyvaŭ taksama źnizicca, a razam ź joj moža asłabnuć i abarona ad bakteryj i hrybkoŭ.
Da taho ž vada z-pad krana nie sterylnaja. Razam ź joj u butelku mohuć trapić novyja mikraarhanizmy. U vyniku razbaŭleny šampuń, asabliva kali jon doŭha staić u vilhotnaj vannaj, moža stać spryjalnym asiarodździem dla ich razmnažeńnia.
Pry hetym chimik nie zaklikaje vykidać butelku, kali na dnie jašče zastaŭsia šampuń. Jon prapanuje prostaje rašeńnie. Možna dalić zusim krychu vady, kab zmyć reštki sa ścienak, ale atrymanuju sumieś treba vykarystać adrazu, a nie pakidać na nastupny raz.
Pavodle śpiecyjalista, toje samaje praviła tyčycca vadkaha myła dla ruk i inšych vadkich srodkaŭ dla myćcia. Ich taksama nie varta razbaŭlać vadoj i zachoŭvać u takim vyhladzie.
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary