U Razani paśla ataki dronaŭ haryć NPZ, jaki zabiaśpiečvaje palivam Maskvu
Miascovyja rasijskija ŭłady paviedamili pra ŭzharańni na pramysłovych abjektach, a taksama pieraboi z elektryčnaściu.
U noč na 5 listapada ŭ Razanskaj vobłaści adbyłasia ataka bieśpiłotnikaŭ. Miascovyja žychary paviedamlali pra šmatlikija vybuchi, pracu supraćpavietranaj abarony i huki dronaŭ.
Vydańnie ASTRA pa adkrytych źviestkach vyznačyła, što haryć mienavita Razanski naftapierapracoŭčy zavod.
Heta adno z najbujniejšych naftapierapracoŭčych pradpryjemstvaŭ Rasii, jakoje ŭvachodzić u «Rasnaftu». Jaho mahutnaść — kala 17—18 miljonaŭ ton nafty za hod. Zavod vypuskaje bienzin, dyzielnaje paliva, avijacyjnuju hazu i inšyja naftapradukty, zabiaśpiečvaje palivam Maskvu i centralnyja rehijony Rasii.
Pradpryjemstva taksama vyrablaje paliva dla rasijskaha vojska. U pryvatnaści, raniej jano paviedamlała pra raspracoŭku bienzinu z dadatkovymi patrabavańniami dla vajskovaj techniki.
Hubiernatar vobłaści Małkoŭ paćvierdziŭ masiravanuju ataku dronaŭ, ale kankretnych pradpryjemstvaŭ, dzie pačalisia pažary, nie nazvaŭ.
«Na terytoryi pramysłovych abjektaŭ u Razani adbylisia ŭzharańni. Paškodžanyja linii elektrapieradačy, u častcy horada nazirajucca pieraboi z elektrazabieśpiačeńniem», — napisaŭ jon.
Pavodle hubiernatara, adzin čałaviek atrymaŭ ranieńni.
Akramia taho, miascovyja žychary paviedamlajuć pra pažar u łahistyčnym centry Wildberries kala Razani. Heta infarmacyja pakul nie paćvierdžanaja.
Razanski NPZ užo traplaŭ pad ataki dronaŭ. Paśla nalotu 15 kastryčnika tam pačaŭsia pažar i spyniłasia asnoŭnaja ŭstanoŭka pieršasnaj pierapracoŭki nafty.
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary
Ich bambiać - a jany hladziać