U Depo la Płoščy Pieramohi pačali pradavać kvatery ŭ domie na piešachodnaj vulicy. Adna ź ich kaštuje amal $1 miljon
U premijalnym kvartale Depo na płoščy Pieramohi startavali prodažy nieruchomaści ŭ domie Rotax 2. U im 36 kvater, a z unutranaha dvara žychary zmohuć trapić na piešachodnuju vulicu. Ceny pačynajucca ad $5023 za kvadratny mietr, piša Office Life.
Budavać Rotax 2 pačali ŭ mai hetaha hoda, a zdać jaho płanujuć da kanca 2028-ha. Dom raźmieščany na miažy kvartała i vulicy Čyrvonaj. Pobač znachodzicca hałoŭny art-abjekt — «Tramvaj, jaki rastvarajecca ŭ časie», nabiarežnaja Śvisłačy, hałoŭnaja vieładarožka, a z dvara doma možna budzie trapić u restaran abo na piešachodnuju vulicu kvartała.
Samaja maleńkaja kvatera — 49 kvadratnych mietraŭ, samaja vialikaja — 181. Vyšynia stolaŭ na typavych pavierchach — 3,06 mietra. Ale jość i farmaty na apošnich uzroŭniach ź pieramiennaj vyšynioj stolaŭ da 6,78 mietra.
Žyllo budzie biez čystavoha azdableńnia, a hałoŭnaj «fiškaj» doma stanie škleńnie. Naprykład, jość mansardy z vuhłavymi voknami abo kvatery z panaramnymi vitražami.
U domie pradstaŭleny roznyja typy kvater — jość kamiernyja, a jość siamiejnyja rezidencyi. Naprykład, piacipakajovaja kvatera z tryma spalniami i mašyna-miescam abydziecca ŭ $961,5 tys.
Premijalnym kvartałam Depo zajmajecca zabudoŭščyk «A-100 Deviełapmient». Całkam skončyć ŽK płanujuć da 2029 hoda.
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary