Bitkojn ruchnuŭ na piać tysiač dalaraŭ śledam za abvałam fondavaha rynku ŭ ZŠA
U noč na 6 listapada bitkojn patańnieŭ na 6%, apuściŭšysia nižej za $76 tysiač. Heta adbyłosia paśla abvału fondavaha rynku ŭ ZŠA, jaki spravakavaŭ rasprodaž akcyj technałahičnych kampanij na fonie aściaroh adnosna budučyni industryi štučnaha intelektu.
Napiaredadni bitkojn padaražeŭ i ŭpieršyniu paśla ŭzłomu Binance handlavaŭsia vyšej za adznaku ŭ $80 tysiač. Adnak za apošnija 24 hadziny hałoŭnaja kryptavaluta straciła ŭ canie 6,5%. Pa stanie na 11:00 piatnicy jaje košt składaŭ kala $75,3 tysiačy.
Ethereum patańnieŭ bolš čym na 8% — prykładna da $2200. XRP i Solana źnizilisia ŭ canie na 6—8%.
Kryptavaluta pačała tańnieć paśla taho, jak amierykanskija fondavyja indeksy pieražyli najmacniejšaje padzieńnie z krasavika 2025 hoda.
Tak, Nasdaq Composite abvaliŭsia na 5,52% — da 24 315 punktaŭ, S&P 500 źniziŭsia na 4,36%, a Dow Jones — na 3,44%.
Jak adznačaje The Wall Street Journal, rynkavaja kapitalizacyja kampanij ź indeksa S&P 500 skaraciłasia prykładna na $2,9 trłn, a Nasdaq Composite — na $2,5 trłn.
Źnižeńnie zakranuła ŭsie 11 siektaraŭ S&P 500, adnak najbolš paciarpieli technałahičnyja kampanii. U pryvatnaści, indeks paŭpravadnikovaj pramysłovaści Philadelphia Semiconductor Index abvaliŭsia na 12%, prademanstravaŭšy druhoje pa vieličyni adnadzionnaje padzieńnie ŭ svajoj historyi.
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary
A bitkojn čym padtrymlivajecca maraj nadzieju spadziavańniami ...i jakomu mavrodzi naležyć))