Partyja BNF pryniała zajavu ab partyjnaj jednaści

68 miascovych lideraŭ partyi padtrymali Janukieviča i kurs na «zadzinočańnie nacyjanalna‑demakratyčnych siłaŭ». Jany padpisalisia pad zajavaj «Ab partyjnaj jednaści i viernaści kaštoŭnaściam».

Padpisanty «śviedčać svaju jednaść i salidarnaść pierad vyprabavańniami, jakija stajać ci paŭstanuć na našym ahulnym frontaŭskim šlachu».

Taksama ŭ zvarocie idzie asudžeńnie lubych sprobaŭ unieści raskoł u partyjnyja šerahi jak zvonku, tak i znutry. «Razhladajem jak pravakacyju sproby dyskredytavać kiroŭnyja orhany Partyi i sabatavać partyjnuju dyscyplinu, a pahatoŭ skarystać z pasłuhaŭ represiŭnych orhanaŭ režymu dziela zadavalnieńnia asabistych ambicyjaŭ», — tut majecca na ŭvazie vypadak z Uładzimiram Malejem, jaki napisaŭ list u Ministerstva justycyi, paśla čaho partyja atrymała papiaredžańnie.

«Ličym prajavaj palityčnaha infantylizmu i biezadkaznaści niežadańnie niekatorych pavažanych siabroŭ Partyi ŭziać udzieł u supolnaj partyjnaj pracy dy ich adychod u pabočnyja vybarčyja prajekty», — kamień u harod Viktara Ivaškieviča, jaki syšoŭ u kamandu Andreja Sańnikava.

Vialikaja ŭvaha nadajecca prezidenckim vybaram. «Vykazvajem padtrymku kiraŭnictvu Partyi BNF u jaho dziejańniach dziela padrychtoŭki Partyi BNF da ŭdziełu ŭ asnoŭnaj kampanii 2010 h. — prezidenckich vybarach, a taksama ŭ jaho namahańniach dziela zadzinočańnia ŭsich adkaznych nacyjanalna‑demakratyčnych siłaŭ Biełarusi. Zaklikajem usich siabroŭ Partyi BNF abjadnać usie namahańni dziela padtrymki partyjnaha kandydata ŭ prezidenckaj kampanii 2010 h., dziela hurtavańnia ŭsich adkaznych nacyjanalna‑demakratyčnych siłaŭ»

«Abiacajem, što niepryjacieli Partyi BNF, jakija prahnuć našaha asłableńnia i źniščeńnia, zastanucca žorstka rasčaravanymi», — skančvajecca zajava.

Siarod padpisantaŭ, u asnoŭnym, kiraŭniki rajonnych arhanizacyj Partyi: Siarhiej Sałaš (Barysaŭ), Siarhiej Panamaroŭ (Kleck), Pavieł Batujeŭ (Salihorsk), Alaksiej Siudak (Vilejka), Vital Amialkovič (Słuck), Źmicier Ševiel (Łahojsk), Vadzim Sarančukoŭ (Hrodna), Ihar Šeha (Słonim), Źmicier Šymanski (Brest), Alaksandr Dziemiančuk (Kamianiec), Aleś Ramanovič (Pinsk), Źmicier Sałaŭjoŭ (Mahiloŭ), Barys Vyrvič (Białyničy), Eduard Brokaraŭ (Horki), Mikałaj Jurkoŭ (Drybin), Kastuś Smolikaŭ (Viciebsk), Jarasłaŭ Biernikovič (Hłybokaje), Lera Som (Połack), Aleś Šutaŭ (Vorša), Valery Pucicki (Homiel), Vadzim Bołbas (Śvietłahorsk) i inšyja.

Podpisaŭ staršyni, a taksama jahonych namieśnikaŭ niama.

• 0
• 0
• 0
• 0
• 0
• 0
• 0
• 0