Žychar ZŠA Poł Čelja (Paul Ceglia) padaŭ u sud na kampaniju Facebook. Čelja ličyć, što jamu pa pravu naležać 84% sacyjalnaj sietki. Sudździa, jaki raźbiraje pazoŭ, nakłaŭ časovuju zabaronu na lubyja apieracyi pa pieradačy aktyvaŭ Facebook.
U zajavie pazoŭnik spasyłajecca na damovu, zaklučanuju z zasnavalnikam Facebook Markam Cukierbierham 28 krasavika 2003 h. Pavodle hetaj damovy, Čelja zamoviŭ Cukierbierhu raspracoŭku i dyzajn sajta za 1000 dołaraŭ. Pry hetym Čelja atrymlivaŭ prava na 50% sajta.
Kantrakt taksama praduhledžvaŭ pavieličeńnie doli Čelji ŭ biźniesie na adzin pracent ad pačatkovaj za kožny dzień praterminoŭki z 1 studzienia 2004 hoda. Pazoŭ zychodzić z daty 4 lutaha 2004 hoda, kali kantrakt nibyta daŭ Čelji prava na 84% Facebook.
Pradstaŭniki Facebook ŭžo zajavili, što ličać pazoŭ nieabhruntavanym i buduć asprečvać jaho. Čelja i jaho pradstaŭniki ŭłasny pazoŭ nie kamientujuć. Ab samim Čelja viadoma tolki toje, što ŭ 2009 hodzie jon byŭ abvinavačvanym u spravie ab machlarstvie z draŭnianymi paliŭnymi hranułami. Čelja sabraŭ z zakazčykaŭ 200 tysiač dołaraŭ, ale tak i nie pastaviŭ im abiacanyja hranuły.
Facebook źjaŭlajecca najbujniejšaj u śviecie sacyjalnaj sietkaj. U joj zarehistravana kala 500 miljonaŭ karystalnikaŭ. Štohadovy dachod resursu ad rekłamy pa roznych acenkach składaje kala miljarda dołaraŭ.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty19
Kamientary