Bolš za 20 artystaŭ, ćviet sučasnaha mastactva, vystavili svaje tvory na prodaž u halerei «Ŭ».
Bolš za 20 artystaŭ, ćviet sučasnaha mastactva, vystavili svaje tvory na prodaž u halerei «Ŭ».
U Halerei sučasnaha mastactva «Ŭ» uspomnili, što jany struktura nie tolki mastackaja, ale i kamiercyjnaja. Bolš za dvaccać aktualnych mastakoŭ, ćviet sučasnaha biełaruskaha mastactva, vystavili svaje tvory na prodaž. U Minsku prachodzić letni «ArtKirmaš».
«ArtKirmaš» — jašče i nahoda pahladzieć sučasnaje mastactva. «Ŭ»šniki vyrašyli nie iści za kiepskim prykładam mastakoŭskich taŭkučak, dzie ŭsiaho zbor-kalada. Kožny mastak vystaviŭ pa 2-3 karciny, a astatnija možna ŭbačyć videanarezkaj na ekranie.
Akramia hetaha na «ArKirmašy» praduhledžanyja źnižki: štodzień pracy peŭnaha mastaka buduć pradavacca pa źmienšanym košcie. Vy zmožacie pabačyć i nabyć hrafiku i kieramičnyja płasty Tamary Sakałovaj, fotarealistyčny žyvapis Alaksandra Niekraševiča, pracy Zoi Łucevič, pałotny Rusłana Vaškieviča, prynty i vyšytyja abjekty Alaksieja Łuniova i jašče šmat čaho cikavaha.
Dyk kolki kaštuje sučasnaje mastactva? Kali łaska — fotazdymak ź sieryi «Horad sonca» fotamastaka Artura Klinava acenieny ŭ 360 tys. biełaruskich rubloŭ (heta bieź źnižki). Krychu daražejšaja hrafika: pracy Siarhieja Balanka — ad 560 tys. Karcinu Žanny Kapuśnikavaj «Štraf» možna prydbać za 3 miljony 725 tysiač. Samyja darahija — statuetki i skulptury: voś «Matrony» Kapiłavaj — amal 32 miljony.
«Tolki adzinki ŭ biełaruskim i suśvietnym mastactvie žyvuć za košt mastactva, — kaža dyrektarka halerei «Ŭ» Hanna Čystasierdava. — Bolšaść abo vykładaje, abo, na žal, pracuje dyzajnieram pad zamovu. Čamu na žal? Na maju dumku, mastak pavinien mieć mahčymaść pisać svaje karciny, zamoŭlenyja «źvierchu», i štohod ładzić vystavy».
«ArtKirmaš» praciahniecca da 31 lipienia, a arhanizatary zaklikajuć nas natchniacca i kuplać biełaruskaje.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek6
Kamientary